Gewilde Bybelverse vanaf Pinongurugan 28

Deel

Ondomo yo, tobangon Ku om ingoligan Ku ikau siombo-ombo ya pomponowan mu. Om owiton Ku ya ikau mululi' tuui. Dai Ku ya ikau laiwan musingkotuman nu kiawi' nijanji Ku so ikau oono,” koo.

So obi' niyo no mundii-dii TUHAN, minutangar nu, “Aku yo su TUHAN, Kinoringan usaa'on ni Abraham om ni Isak. Itaak Ku so ikau om so solusuk mu pilolongkop nu tana' ginilian mu tu.

Norios-o sono si Yakub om mutongaro yo nu, “Tuui pala si TUHAN, nga sisuna ya om noilaan ku nai',” koo.

Mujonjio yo sono si Yakub so Kinoringan nu, “Bang tobangon om ingoligan Mu ya aku so poponowan ku, om taakan Mu aku nu kosukupan nu ingkookan om pokakas musingkopululi' ku dii si apa, usaa'on ku sono Ikau. Taakan ku Ikau sombaagi' opulu nu onu yo po nitaak Mu so aku no. Watu niundii ku iitu no osiliw nu pongusaa'an so Ikau,” koo.

Posuangon Ku solusuk mu muinong nu koris. Lumongkop nosiro so tana' iitu, om pagka borokatan Ku ikau om solusuk mu, kiawi' bansa so wonuo tu oborokatan.

Iningoranan sono niyo tontong oono nu Bitil (Gulu ri ingoranan nu Lus).