Gewilde Bybelverse vanaf Kikia 4

Deel

Yezu Krista yerane mo wae o jwoŋi nɔɔna o yaga. Nɔɔno wodwoŋi yere daa tera logo baŋa ne Wɛ na pɛ nabiina se dé wane dé na verem o ŋwaane.”

Ba na ware Wɛ ba ti to, jeiga kam ba na lage daane mɛ to maa ziziŋa. Wɛ Sin-laao kom laam ma ba ba maama tei de dam, ye ba ŋɔɔne Wɛ kwora kam de baare.

Dé Teiru Wɛ, nii ba na lage ba yaare debam tei to! Debam nam mo ye n tontoŋena. Nam pa debam chwoŋa se dé wane dé taa ŋɔɔne nmo kwora kam de baare.

Wonto mo ye wolo Wɛ tɔnɔ kom na maŋe ko ta o taane we: ‘Kandwɛ delo abam lɔra bam na ve to laam mo jwoori de ba de ji kandwɛ delo na pae diga kam dana to mo.’

Juu tiina nakwa bam na nɛ Piita de Jɔn na jege baare de ba na ŋɔɔne tei to, ko ma ke-ba yaau de ba na ye nɔn-yɔɔro ye ba dae tɔn-yeena to ŋwaane. Ba ma jeeli we banto ya me de Yezu mo.

Yezu tɔgena bam kɔgɔ kom maama boboŋa de ba ŋwea maama déem ye bedwe mo. Ba wolowolo wo tage we, o yerane mo tei o wonnu. Ba maama maŋe wonnu telo ba na jege to mo ba pa daane.