Gewilde Bybelverse vanaf 1 Johannes 2

Deel

Moenie die wêreld, of wat in die wêreld is, liefhê nie. As iemand die wêreld liefhet, is die liefde van die Vader nie in hom nie, want alles in die wêreld – dit wat die liggaam begeer, en dit wat die oë begeer, arrogante spoggery oor besittings – is nie uit die Vader nie, maar uit die wêreld.

En die wêreld en sy begeertes gaan verby, maar wie die wil van God doen, bly tot in ewigheid.

Wie sê dat hy in Hom bly, behoort self ook te leef soos Hy geleef het.

My kinders, ek skryf hierdie dinge aan julle, sodat julle nie moet sondig nie; en wanneer iemand sondig, het ons Jesus •Christus, die Regverdige, as Parakleet by die Vader.

Iemand wat sê, “Ek ken Hom,” maar sy gebooie nie onderhou nie, is 'n leuenaar, en die waarheid is nie in hom nie

En dit is hoe ons weet dat ons Hom ken: As ons sy gebooie onderhou.

Iemand wat sê dat hy in die lig is, maar sy broer haat, is steeds in die duisternis.

Wie is die leuenaar anders as hy wat ontken dat Jesus die •Christus is? Hy is die antichris, wat die Vader en die Seun ontken.

Elkeen wat die Seun ontken, het nie die Vader nie; wie die Seun bely, het ook die Vader.