Gewilde Bybelverse vanaf Qooccanchi Kitaaba 24

Deel

Ixxim «I moollanni Abrihaamina i Moollanni Waa'a! Kaballa i sawwite hundam wonshimminne i moollanni Abrihaamina heer heerina hee'oo ki iitto moo'ise.

Ixxuwwiinsim matena ‹Taa i landichche wo'i harachcho aad heeshaa'llaa wokkichchika agise› yoommaare isem ‹Age; odim ki gaameela'inam agisoommo› yitamote ise ki awwaadaanchi Yisaaqina at doo'llittotane ikkona; ee'isa ihulas at i moollanni Abrihaamina heer heerina hee'oo ki iitto moo'issoohan ikkittisa la'oommo» yaa Waa'a uunxukko.

Yisaaqim Irbiqa ixxi ama Saara'a hee'llo'i dukkaana massukko; isem ixxena arette ikko'o; ixxim ise iittukko; Yisaaqim am leho Irbiq mashka'inne xadixxukko.

Ixxuwwim «Taa niyyaayya, keese Waa'i maasse'ona; dut kuma qare; ki shumo'i ixxuwwi diina'i beero'uwwa kaa'llona» yita'a Irbiqana maasse'llo'o.

Abrihaamim ixxena hee'u luwwi hundam egeraanchi hee'u lob awwaadaancho weeshaa «An maqire hee'oommi ka Kana'aa'n uulli manni landiinsi i beetina eebboobee'isna ki anga i gurubbonne issitaa iimanee uullaa qooccu Moollanni Waa'i summinne hide'e. Ihukkaarem an qaramummi uulla mattaa i moolli lambe'iinsi i beet Yisaaqina landa doo'llitaa eebe» yukko.