Gewilde Bybelverse vanaf युहन्‍ना 5

Deel

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

येशूये होसकी होला मीस्‍न ङुच डाङा, र होसे वास्‍टै वर्ष लकीङ रोगै ग्रस्‍त छानार ङुमेसा डेच कुरा येशूये थाहा डीन्‍हार डेया, “ही नाको गेप्‍की मीमन जाट्‍ले?”

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो। टर सेन्‍र मासीच जीवन डुप्‍की नाखुरीक ङा लेठाङ राखी मामन्‍डीले।

येशूये होसकी डेया, “सोनी! लहो ओछ्‍यान बुवार व्‍हानी।” होडीक न बेला होसे रोग लक्‍डीस्‍च भर्मी गेप्‍की क्‍योटा र लहो ओछ्‍यान बुवार होसे व्‍हाकी क्‍योटा। टर होसनीक म्‍हुङ बाट्‍च डीन लेया।

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।