Gewilde Bybelverse vanaf Matie 13

Deel

Nyɩkpaa' ‑nänʋä ‑kʋ 'sɩɩ nynä 'nägä‑dʋdʋʋ gogolɩɩ ‑bhlüü lä 'mnö nä. ‑Lɔɔ' nyɩkpa‑cëa nä, wa kä Laagɔwälɩɩ 'nyukwli ‑poo nä, wa nui 'nɩ wa tlʋ 'bhü. ‑Nänʋä bhɛɛ 'bhüü gwlɩ ‑ngbü (100). ‑Nänʋä bhɛɛ 'bhüü gwlɩ taa. 'Nɩ ‑nänʋä bhɛɛ 'bhüü glʋ 'nɩ 'kʋgbä.

Nyɩkpaa' ‑nänʋä ‑kʋ 'sɩɩ nynä nünë‑dʋdʋʋ gogolɩɩ ‑bhlüü lä 'mnö nä. ‑Lɔɔ' nyɩkpa‑cëa nä, wa poo 'flɛ Laagɔwälɩɩ 'nyukwli, ‑mä 'ylʋzɔɔ' bhobholɩɩ ‑yä ‑mɔɔ' leylüü' ‑zɔɔpälɩɩ gbi Laagɔwälɩɩ 'wlu, 'nɩ ɩɩ' ŋëë ‑wʋ dä.

Nyɩkpɔ kä Laagɔɔ' 'Leyiduu 'mnö wälɩɩ 'nyukwli poo, 'nɩ ɔ 'nɩɩ 'mʋ 'nu nä, kɔ ‑kʋ lä nynä gogolɩɩ ‑ɩ ‑bhlüü lä ‑blɔ ‑gbäkö nä. ‑Lɔɔ' nyɩkpa‑cëa nä, Laagɔwälɩɩ wa sonʋwa lä nä, kä 'Dëvlo yi 'nɩ ʋ sʋwanyɩ pleyii.

Nyɩkpaa' ‑nänʋä ‑kʋ 'sɩɩ nynä cɛkwɩ‑dʋdʋʋ gogolɩɩ ‑bhlüü lä 'mnö nä. ‑Lɔɔ' nyɩkpa‑cëa nä, sä wa nu lä 'gää Laagɔwälɩ nä, wa 'bhlünɩ ‑pʋpɛɛ' 'kʋ. ‑Mä waa' Laagɔwälɩɩ' 'ŋʋ ‑wʋ sikplii. Ɩɩ' gwlɛɛ ‑wʋ 'mʋ 'nɩ wa bha Laagɔɔ' ‑blɔɔ 'kʋ. 'Kwlɩkabhɩä ‑yä nyäkälɩ kwa Laagɔwälɩɩ' ‑za ŋëë nä, kwa sä sisio Laagɔ gwë.

'Nɩ Zozii yiwa bʋkʋ soo, ɔ lä Laagɔɔ' 'Leyiduu kʋ ‑kʋ lä nynä leylüü' lɩɩ ‑ɩ ‑zizio lä 'klää 'nɩ nyɩkpɔ 'wlʋʋ‑ lä 'kʋ nä. Nyɩkpɔɔ 'wlʋʋ‑ lä leylüü 'kʋ nä, kɔ ‑zizii bʋkʋ ‑mɔɔ 'klaa 'mnö. 'Nɩ ɔɔ' ‑lɔɔ ‑pʋpɛ bhlä lä nä, ɔ ‑mʋ 'nɩ ɔ ŋʋʋ‑ ɔɔ' kääkäälɩɩ 'fɩɩn 'kpä 'nɩ ɔ yi ‑lɔɔ 'klaa zɔɔ.

‑Nʋnʋ ‑bhlüü 'nägä‑dʋdʋʋ 'mnö 'nɩ ʋ ‑tlʋ. 'Vöö ‑nɩnɩ ‑tlʋ 'yʋyii' gwlɩ ‑ngbü (100), ‑nɩnɩ ‑tlʋ 'yʋyii' gwlɩ taa, 'nɩ ‑nɩnɩ ‑tlʋ 'yʋyii' glʋ 'nɩ 'kʋgbä.

Nä, a ‑tanɩ 'yi ‑yä, ɩ ‑yä gogolɩɩ 'titi 'sɔ 'bhʋä däbhlo ‑mä ‑dööda kä ‑ŋëë nä, n yi lebhe‑nʋnyʋa soo nynä a ‑sä 'fɩa ‑pitii nyenyii glu ‑yä a gʋɩ 'pi 'pi 'pi ‑yä a sii. Ɩyä lülülɩɩ a 'ŋʋɩ 'naa wëlüü 'klü.