Gewilde Bybelverse vanaf मरकुस 13

Deel

अनि निमाट नावोर चेलाह आतिट इन्जोर सबोय लोकुरक मिकुन दुश्मनी कियानुर मति बोर आकरिवनाह हिमते सहेन किस मन्दानुर ओर अनन्त काळता हायानाता दन्डताल पिसहानुर।”

हुळाट ओद समय बसके वायार इन्जोर निमाट पुनविट इन्जोर हुशार मन्ट अनि प्रार्थना किसोर मन्ट।

ओरक मिकुन ओस न्याय कियान साटि सोपेकियानुर असके माक बाताल इन्काट इन्जोर मुनेय चिन्ता केमाट। ओदबेरा बाताल आयि परमेस्वर मिकुन वेहनुर ओदे इन्दाना, बाक्याकि वळकवाल निमाट आयविट मति पवित्र आत्मा मन्तोर।

आबार अनि दरति बदलेमायार मति नावा पोल्लोंग ते बसकेय बदलेमायो आयार।”

अनि येसु ओरकुन असा इतुर, “इद पोल्लोंग बोद दिया आयार इन्जोर केवल नावोर बाबाल पुन्तोर। मति दुसरो बोरे स्वरगताल दूतक अनि नना मानेयतोर मरिन वने पुनोन।

निमाट लळायिता अनि लळायिता समाचार केन्जकिट ते वरियमाट बाक्याकि इव पहले आयाना जरुरि मन्ता मति ओद बेरा दुनियाता अन्त आयो आयार।

इन्जोर मालकाल नुलपेबेरा या अरदो नरका या कोरकुसेंग बेरा इदाम बसके वायनुर इन्जोर निमाट पुनविट इन्जोर, ओर अचानक वायिर अनि मिकुन हुन्जतोर हुळमाकिर इन्जोर निमाट केपसोर मन्ट। अनि नना मिकुन इन्तोना ओदे सबोय लोकुरक साटि इन्तोना: निमाट केपसोर मन्ट।”

बाक्याकि जात जातिता विरोद, राज्य राज्यता विरोद लळायि कियानुर, पकाय जागातिगा भुकंप अनि दुष्काळ आयनुंग, इव सबोय पोल्लोंग पकाय तकलिपता सुरुवात आयार।

मति पहले येसु मसिना सोबाता पोल्लो सबोय जातितिगा वेहिला पहाजे।

‘नना मसि आन्दान’ इदाम इन्जुन पकाय लोकुरक नावा पोरोयते वास पकाय लोकुरकुन भळके कियानुरक।

मति निमाट आपुना बारेते हुशार मन्ट बाक्याकि लोकुरक मिकुन हजोर सभातिगा सोपे कियानुरक अनि समाज मन्डलितिगा ओसुन पिटहानुरक अनि नावोर चेला आतिट इन्जोर राजपाल अनि राजाना मुने मिकुन हाजर कियानुरक अनि इद बेरा नावा बारेते ओरा मुने गवाहि वेहाना सन्दि आयि।

बाक्याकि खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते परमेस्वर आचतोरकुन वने बहके कियान साटि चिन्ह अनि पकाय आश्चरयता बुतोंग तोहनुरक।

अनि येसु असा ओरकुन इतुर, “ ‘अव दियांगनांग ओव पकाय तकलिपता पजा पोळद आन्दार आयार अनि हुकोंग वेहच हेवो आयनुंग। अनि आबारताल हुकोंग अरानुंग, आबारतांग सबोय चिज अनि अदेना लावक होलेमायनुंग।’