Gewilde Bybelverse vanaf Ja̰ 3

Deel

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a.

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Oje gəl tar gə uwa dɔ-si le ɓa nee: Lokarə ɗe dɔ nangə ɗaa londul ɓa dəwje ꞌnjigi ya̰ d-unda lokarə, mba kula ɗa-je kṵra̰y.

May kar ꞌne n-ɓar mii gə kede ɗaa ꞌma m-ɗəm gə gugu.

Dəw gə nje ɗa ne gə kṵra̰y le njigi lokarə ang gə kɔrɔ ngaɓa n-ɔsə lokarə ngərəng mba dəwje d-a ko neɗaje lə-a gə kṵra̰y le.

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Ngaɓa, to gə Moyiji un ne li ɔs-ɛ dɔ kagə gə taar mə ndag lo gə le, to to gə be ja tɔ, may kar Ngon lə dəw kara d-ɔs-ɛ taar tɔ

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.