Gewilde Bybelverse vanaf Jan 16

Deel

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki yaa wangi yi yaa bonla n baa ti cua.

Hali moala yi daa mia liba kuli n yeli nni. Mia mani, yi baa baa la, ke yi pamanli n pugini ki dagidi cain.

Ba yeni, min wangi yi yaala na tie moamoani. Li ŋani yi po min gedi, kelima n yàá gedi, o Todika kan cua yi kani. Ama n yaa gedi, n baa soani o yi kani. Wani, o yaa cua, o baa bu ki cuo ŋanduna yaaba yaala n tie ti tuonbiadi po, mi teginma po leni ti buudi po.

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli. Landaali yaa pundi, yi kan go buali nni liba. N waani yi i moamoani, yin baa mia Baa yaala kuli n yeli nni, o baa pa yi la.

N waani yi i moamoani ke yi baa buudi ki go mua, ama ŋanduna yaaba baa mangi bi pala. Li pabiidili baa cuo yi, ama yi pabiidili baa lebidi ki tua pamanli.