Gewilde Bybelverse vanaf Yohana 16

Deel

Genaya namuwilile inwe, kigele muve nako kuhola mugati na nene; mu liwelelo muli nago mamikosi, alisi mwidibage moyo, nene nalikindile liwelelo.

Alisi ulu mwenuyo wiza, Roho ya Hanayene, akumulondola inwe mugati na hanayene yose, kwisi mwenuyu kuyomba ngʼo kufuma kuwakwe mwenekili, sumbwa gose genayo aligwa akuyomba, na akumutanizya inwe genaya galize.

Kusika lelo mukalombile kinhu mu lina lyane; mulombe na inwe mukupiwa, kigele kudeha kwinwe kukwile vuliko.

Alisi ndimuwila inwe hanayene, Yilimuvelela inwe nene ningeho; kwisi ulu nene kwingaho ngʼo Mugwasya kwiza ngʼo hawinwe; sumbwa ulu ndijako nkumutumizya hawinwe. Na ulu mwenuyu wamalaga kwiza akulilangisya liwelelo kunguno ya vukenaguzi na vugololoku na kitanga.

Sisyo inwe lelo muli na misayo, alisi nkumuvona inwe hangi, na moyo gwinwe gukudeha, na kuduhu umo akumupuzya inwe kudeha kwinwe. Na ha lusiku lwenulo inwe kumbuzya nene ngʼo muhayo gumo. Yalole, yalole ndimuwila inwe, icho mukumulomba Vava akumupa inwe mu lina lyane.

katungo kado inwe mukumbona nene? Yalole, yalole ndimuwila inwe ati, inwe mukulila na mukwanaguka, alisi liwelelo likudeha; inwe mukusaya, alisi misayo yinwe yikupiluka ha kudeha.