Gewilde Bybelverse vanaf San Marcos 12

Deel

Ta nta̱kuiin Jesús, káchi‑Ña̱ saá: ―Ña̱ káꞌnu ka nu̱ú ntiꞌi‑ña̱ kúú: “Kutiaa so̱ꞌo, ñuu Israel, Xitoꞌo‑yó Ntióxi̱ iin nta̱a̱ kúú‑Ña̱. Kuni̱‑ún Xitoꞌo‑ún Ntióxi̱ xíꞌin ntikuíi ínima̱‑ún, xíꞌin ntikuíi ini‑ún, xíꞌin ntikuíi ña̱ ntákani ini‑ún, xíꞌin ntikuíi nteé‑ún.” Ta ña̱ ntíku̱n kúú: “Kuni̱‑ún na̱ ñani táꞌan‑ún tá ku̱va kúni̱‑ún mií‑ún.” Köo iinka ña̱ káꞌnu ka nu̱ú ña̱ yóꞌo.

Ta ka̱na Jesús na̱ sákuaꞌa nu̱ú‑Ña̱, ta ni̱ka̱ꞌa̱n‑Ña̱ xíꞌin‑na̱: ―Ña̱ nta̱a̱ káꞌa̱n‑i̱ xíꞌin‑ntó: Ñá ntáꞌvi yóꞌo, kua̱ꞌá ka chi̱ka̱a̱‑ñá nu̱ú ntiꞌi ka na̱ ni̱so̱kó xǔꞌun, chi ntikuíi‑na̱ chi̱ka̱a̱‑na̱ ña̱ ntôo nu̱ú va‑na̱. Suu ñá ntáꞌvi yóꞌo ñá kúntáꞌvi kúú‑ñá, ra chi̱ka̱a̱‑ñá ntiꞌi ña̱ níꞌi‑ñá, ña̱ xíniñúꞌu‑ñá kutiaku‑ñá.

Íntúꞌú Jesús nu̱ú táán‑na̱ xǔꞌun ña̱ sókó‑na̱, ta xítoꞌni‑Ña̱ na̱xa táán na̱ yuví xǔꞌun ini xa̱tún ikán. Ta kua̱ꞌá na̱ kuíka kua̱ꞌá xǔꞌun táán‑na̱. Suu ni̱xa̱a̱ iin ñá ntáꞌvi ñá ni̱xi̱ꞌi̱ ií, ta chi̱ka̱a̱‑ñá u̱vi̱ xǔꞌun válí ña̱ loꞌo ya̱ꞌvi.

Ta ña̱ kuni̱‑yó Ntióxi̱ xíꞌin ntikuíi ínima̱‑yó, xíꞌin ntikuíi ini‑yó, xíꞌin ntikuíi ña̱ ntákani ini‑yó, xíꞌin ntikuíi nteé‑yó, xíꞌin ña̱ kuni̱‑yó na̱ ñani táꞌan‑yó, yaꞌvi chá ka ña̱ ikán nu̱ú ña̱ sókó‑yó kití nu̱ú Ntióxi̱ xíꞌin ntikuíi ka ña̱ꞌa ña̱ sókó‑yó nu̱ú‑Ña̱.

Ta ka̱chi Jesús saá: ―Taxi‑ntó ña̱ꞌa César ntaꞌá César, ra taxi‑ntó ntaꞌá Ntióxi̱ ña̱ꞌa Ntióxi̱. Ra nta̱kutúꞌun ini‑na̱ xíꞌin‑Ña̱.