Gewilde Bybelverse vanaf Apocalipsis 12

Deel

Lee re xaa mle gan lo waz kwaan ren kwaan mxo Mbakxiil, nu kwaan kwent cheen wdizh chul kwaan nzaa re xaa; nu nanzhebt re xaa yet xaa.

Zee mbin na tub bos kwaan nye naz yiba, kwaan nzhé: ¡Nal ngoka! Nal luu xomod zaa Xdios be yalnaban lo myet, nu luu re yalngezh nu yalnabeyy cheen xaa, noka luu yalnabeyy cheen Crist, Xaa Mxaal Dios Nabeyy; nel mloo xaa waz, ma kwaan ngaazh re kwaan tich re wech be nu re bzan be, ma kwaan tubka mbezh lo Xdios be, nawent nak re xaa xaa.

Zee mloo xaa waz, ma nii xaa Mball Wiz Gox, ma noka le Maxuu nu noka le Dyab, ma nkade rese myet yizhyo. Lee waz nu re xmandad waz mla naz yizhyo ne.

¡Kwaanzee, ble chul gu lextoo gu, re xaa nzho yiba! ¡Per nales doo ded re gu, xaa nzho lo yizhyo nu leen nistoo, nel lee Maxuu mla lo gu nu myaad lo gu, kwaan dub yalnayii cheen waz, nel ne waz naxchetra dii waz!

Zeera ngu tub dil naz yiba. Lee tub mandad cheen Dios, xaa le Miguel nu re stub mandad, xaa nabeyy xaa, mdil kwaan waz nu re mandad cheen waz

Nu kwent cheen kwaane, lee waz nayii doo ngune ngwnaa, nu ngwa ma nu mdil ma kwaan rese dii cheen ngwnaa, re xaa nle kwaan mnabeyy Dios le xaa, re xaa nzaa kwent cheen Jesucrist. Nu lee waz mlake roo wri nistoo.

Zee mlu lo na tub kwaan nabix, kwaan gro doo yiba, tub ngwnaa nzhak me mbizh kwenta tub ler, nu lee mbee nax nii me, nu lee yek me nzob tub koron kwaan tub chiibchop mbal. Lee ngwnaa nakxiin, nu mbazhe me ne doo lextoo me gal xinn me.

Nu lee ngwnaa mzan tub madbyi, xaa nak xaa nabeyy yizhyo kwaan tub bar yiib. Per lee xgann me mbyiib lo me nu nya xaa naz lo Dios, naz pa nzob xaa nabeyy; nu lee ngwnaa mrexonn nya naz wen, tub pa mdexkwaa Dios yo me, nu zaa Dios kwaan gaw me tub mil chop gayoo chon gal mbizh.

Zee myun stub kwaan nabix lo na yiba, tub waz doo, ma naxne na, nu nzob gazh yek nu tubga koron kad tub yek ma, nu nzob ma chii xkach ma. Nu kwaan xkol ma mdobxex ma tub part lo chon part re mbal yiba nu mlebi ma mbal naz lo yizhyo. Lee waz nguxso lo ngwnaa me mer gal xinn, zee gaw waz xinn me gorna gal mad.

Per lee ngwnaa mkayaa chop xiil msi kwaan gro, zee nzho mod zebi me zit lo waz, pa nyent xaa. Naz baa kayaa me kwaan gaw me tub chon liin yirol. Lee waz mlo nis roo, zee gaka tub yuu nu weeya ngwnaa; per lee yizhyo mle yudar ngwnaa, nu mxala nu mdeba re nis kwaan mroo roo waz.