Gewilde Bybelverse vanaf Wakkagagerak 11

Deel

Pegiya wambi wage nagagerik, ari logonet, “It aakumi yi, inoone inom, inanebunu inom, ambit aret me, Yogop eeruwok o, yinuk, yi aret eekwi me, logonet-logonet it ambi eeriyak mbakwi nogo ti, abunuk nggwok aret eeko logogun kagi,” ari nagagerik, “It inoone ambit yogwe nogo konen-konen yogo logokwak, inoone inalitak lombok eerogo piyaawok o.”

Ye mbanggologo nogogwaarik, time wonogo logonet, ne ambi paga it mban-mban wone mbanggo logonet, “Nit o nggween paga yime ma'nogwe niyo, ninendage mondok nggwok eekkolaawok nduk, nggween longgo warogo abu obeelom worarogo punuk, o ambit nggwok kirin nggorek mbogut imbirak ndak-ndak aret wuruwok nduk, kuwak ari woraanip o,” yinuk, kuwak ari wogo nogogwaarik, yugum obaane'me nggween longgo warogo ta'mban-mban eerogo kwippit laganggwi, ndi, nggween nggabok obaane'me mut amburu negen aspal nogo nggalenogo mbenanggwi, eerogo wurit laganggo nogogwaarak.

At Aliku ALA nen yi aakumi ndi aakumi o nggween paga yime inoone alitak lombok agan nugu logowak nduk, yi awi ndi awi mak eerogo piyareegerak mbaganit nogo logonet, inoone alitak lombok agan nogogwaarak kenok, o nogo endage Mbaben aret tooneegwaarak.

O nggween paga yime apit aret yi aakumi ndi aakumi inoone unggut alitik-alitak abu lek inoone ambit mban aret yogo nogogwaarak.

It aakumi o nggwok kirin nggorek wurit laganggwi nogo at Aliku ALA nen enegen iige nagagerik, “Nonggop eekwi iyaamun?” yinuk, pegiya wambi wagagerak.

Ari nagagerik, at Aliku ALA nen o nggween paga yi o ndi o mak eerogo nappiige mbareegi, it aakumi o nggwok wurit laganggwi nogo lek aret agagerak.