Gewilde Bybelverse vanaf YOHANET 4

Deel

Ala ebe re, Areagùn mene atì nen he, at hogorasuogolùk Areagùn inom hutik logolìk eberogoat hogorasusak meneat hogorasusak o,” ìlùk yogosike.

Atì'nogo Ala hogoratorek meneat he, it apùnì nen hobuk Ala hogoratì logolìk hùnogoat negen hogorasugun mene weregat o. At Ala a'la nen he, An Nareagùn nen, Ala ebe atì hake, ìlùk yakùlisikenem higit hogo eberogoat hogo'napì logouak, ìlùk, akikerek atì nen he, yogotak ya nen atì'nogo hogoratì logousak o.

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

Atì'nogo yogosikomo, at he a'nogo nen he, mel yogosike: “Noe. Hat hageisoak lek. Nen, i yì o'lumo ma a'lomaat mene re, hat en i inelugurinaperek mene atì, koma mene hinagasogo wo'nesigìlùk en egen.

Atì'nogo yogosikomo, at he a'nogo nen he, mel yogosike: “Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike. Atì'nogo yogosikomo, at Yesùt en he, mel yogosike: “Ap egen atì ebe re, an neperak weneane ìkì lago nebe yìat o,” ìlùk yogosike.

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.