Gewilde Bybelverse vanaf MATIUS 21

Deel

Au-au raraho b̄a nggomid̄oho d̄i ade do'amu, nggomid̄oho d̄imatarimana, sura nggomid̄oho imbimu.”

”Poda,” cambe b̄a Ruma Isa, ”Nggara nggomid̄oho ma'imbisi ro wati mbali mbua ademu, nggomid̄oho maloaku karawi b̄une rawa'u karawi b̄a Nahu d̄i fu'u ara ake. Ro laina ede mpoa, mala nggomid̄oho maloaku nggahi d̄i doro to'i ake, ’Hantara wekimu ro lao pakipu wekimu ade moti,’ ndad̄i lampa rawi ede d̄imandad̄i.

Dou mamboto ma lampa d̄itando ra d̄ikontu Ruma Isa nggahina, ”Taho ra ntika! Ana Daud! D̄imbei bareka Sia ma mai kai ngara Ruma! Roi ra wadi Ruma Hatalla Mawancu D̄ese Ra Ntasa!”

Edempara Sia nggahina d̄i dou-dou ede, ”D̄i ade Alkitab ratunti b̄a one nggahi Ruma Hatalla, ’Uma Nahu d̄itangarakai uma d̄i hid̄i sambeakai.’ Pala nggomid̄oho makand̄ikaiku hid̄i sob̄u parampo.’ ”

”Nggahipu d̄i Sion, Sangajimu wunga maina ara nggomi Sia naka'awa weki ro nentena keledai, sab̄ua ana keledai ma ndara.”

Edempara nggahi Ruma Isa d̄i siad̄oho, ”Sab̄ua watipu parana baca b̄a nggomid̄oho ratunti ade Alkitab? ’Wadu ma wati loa d̄i kani b̄a dou-dou mataki tu'u uma wadu nawa'ura ndad̄i wadu ma sarambakaina. Ake rawi Ruma; nawancuku ntikana!’ ”

”Ndad̄i kawarapu,” nggahi Ruma Isa, ”Samenana hak kai ela Karaja'an Allah d̄i wehana d̄i nggomid̄oho ro nambeiku d̄i sab̄ua bangsa d̄imakalampana parenta-parenta Ruma Hatalla. [