Gewilde Bybelverse vanaf MATIUS 16

Deel

Sawa'u b̄a ede Ruma Isa nggahina d̄i anamorid̄oho-Na, ”Dou ma ne'e b̄atu Nahu, pab̄uaku nefana au ramapenti d̄i ru'u weki ndaina, natundu salibna, ro b̄atuna Nahu.

B̄ara ndedena b̄adepu, nggomi eded̄u la Petrus, wadu ma tenggo. Ro ese wawo wadu akeku Nahu d̄imatu'u gereja-Ku, ma wati wa'u d̄ikakoa; konena b̄a made!

Nahu d̄imambei d̄i nggomi kunci rad̄i Karaja'an Saroga. Au rakantakai b̄a nggomi ara dunia, d̄ikanta rau aka saroga. Ro au rakancihi b̄a nggomi ara dunia, d̄ikancihi rau aka saroga.”

B̄ara dou ma ne'e taha morina, d̄imambora morina. Pala dou ma koroba morina ru'u b̄a Nahu, d̄imarakana.

Auku labana d̄i ru'u b̄a sab̄ua dou, nggara sara'a dunia ake ndad̄i ntau sia pala sia mbora morina? Loasi mori ede cepe kai au-au?

”Pala nggahi ndai nggomid̄oho, Nahu ake couku?” sod̄i b̄a Ruma Isa d̄i siad̄oho. Cambe b̄a la Simon Petrus, ”Ita eded̄u Sangaji Mambei salama, Ana Ruma Hatalla Ma Mori.”

”Malaba podaku nggomi, Simon ana la Yona!” nggahi Ruma Isa. ”B̄ara laina manusia ma rangoa nggahi ede d̄i nggomi, malaisi Ama-Ku ma d̄i saroga.