Gewilde Bybelverse vanaf MATIUS 10

Deel

”Ringa kab̄aepu ake: Nahu manggadu nggomid̄oho b̄une jimba ma wati loa au-au d̄i ade woha lako doro manggange. Nggomid̄oho jaga-jagapu b̄une sawa ro nira ademu b̄une nasi dara.

Dou ma taha morina, d̄imambora morina, pala dou ma mbora morina b̄ara to'ana d̄i Nahu d̄imaraka morina.”

Aina dahumu d̄i siad̄oho ma hade sarumbu, pala wati ntauna kuasa hade nawa. Dahupu d̄i Ruma Hatalla ma ntau kuasa makaleli nataho sarumbu ra nawa d̄i ade anaraka.

Ro dou ma wati ngawa tundu salibna ro b̄atuna Nahu, wati patuna ndad̄i anamori Nahu.

”Cou-cou mamangaku d̄itando dou mamboto b̄a one sia b̄atuna Nahu, Nahu rau d̄imamangaku sia d̄itando Ama-Ku d̄i saroga. Pala cou-cou mawati mangaku d̄itando dou mamboto b̄a one sia b̄atuna Nahu, Nahu rau wati mangaku-Ku sia d̄itando Ama-Ku d̄i saroga.”

Katahopu dou-dou ma supu; kamori mbodapu dou-dou ma made; katahopu dou-dou ma ncola, ro b̄aka kalosapu roh-roh seta. Nggomid̄oho mawa'ura tarima sara'ana ede kai mpoa. Ndad̄i, mbei mpoa raupu.

B̄ara ndedena, aina dahu! Ncewi ntaupu co'i nggomid̄oho ntewikaisi kari'i-kari'i.”

”Aina kacaimu b̄a one Nahu mawa'a damekai angi d̄i dunia ake. Nahu wati wa'aku damekai angi, pala d̄i aokai angi.