Gewilde Bybelverse vanaf LUKAS 23

Deel

Edempara do'a Ruma Isa, ”Ama, takangampu weapu siad̄oho! Siad̄oho wati b̄adena au rakarawi b̄a siad̄oho.” Kani ra lombo Ruma Isa cengga-cenggana ta ede d̄i weki siad̄oho kai undi d̄i hid̄i ede.

”Imbipu,” nggahi Ruma Isa d̄i sia, ”ainaina ake nggomi d̄imasama-sama lab̄o Nahu d̄i Firdaus.”

Edempara nggahi sia, ”Ruma Isa, takawara to'ipu mada, wakatu Ita maimu kai Sangaji!”

Edempara Ruma Isa kanggicana kai eli mana'e, ”Ama! D̄i ade rima-Mu d̄onggo mbei b̄a Mada nawa-Ku!” Sawa'u b̄a nggahi ndedena, Sia madena.

Wakatu rakara hid̄i d̄i pehekai ”Rangka”, siad̄oho salibna Ruma Isa lab̄o d̄ua dou madab̄ae ede – sab̄ua dou d̄i sab̄ae wana ro sab̄ua walina d̄i sab̄ae ku'i Ruma Isa.

Kira-kira b̄oe sampuru d̄ua aimarai, wati kalea liro, ro sara'a dana ra rasa ede ndad̄i rindi poda sampe b̄oe tolu aimambia. Satampa ratero d̄i ade Bait Allah, ncipa d̄ua.

Wakatu eda b̄a perwira tentara au ma wa'ura ndad̄i, sia roi ra wadina Ruma Hatalla. Edempara nggahi sia, ”Poda, Sia wati wara ncarana!”