Gewilde Bybelverse vanaf Matta 10

Deel

Nec aqa ssekkiɣ-kenniw amecnaw iḥuȓiyen jar wuccanen. Iȓim ṯfaqem amecnaw ifiɣeran, iȓim ḏ nniyyeṯ amecnaw iḏbiren.

Wenni ɣa irebḥen ṯuḏarṯ nnes, ataf at ixsar. Wenni ɣa ixsaren ṯuḏarṯ nnes x ssabab inu, ataf at irbeḥ.

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Wenni itagin aḏ iysi ṣṣalib nnes aḏayi iḏfar nec, ataf war ḏayi isḏiheǧ ca.

Wenni zzayi ɣa icehḏen nec zzaṯ i yiwḏan, ataf azzayes cehḏeɣ nec zzaṯ i Baba iǧan ḏeg ujenna. Wenni ḏayi ɣa inkaren zzaṯ i yiwḏan, ataf aṯ nkareɣ nec zzaṯ i Baba iǧan ḏeg ujenna.

Sgenfam imehȓac, sfaqem-d yinni immuṯen, siṣfam yinni ig iǧa jḏam, sufɣem jnun. Manaya immuc-awem baṭeȓ, uȓa ḏ kenniw ucem-ṯ baṭeȓ!

War teggwḏem ca. Kenniw ṯseggwam ktar s waṭṭas x izawjiwen.

War tfekkarem ca belli usiɣ-d aḏ ggeɣ ȓehna ḏi ddunect-a. War d usiɣ ca aḏ ggeɣ ȓehna; Lla, usiɣ-d aḏ ggeɣ amenɣi.