Gewilde Bybelverse vanaf Luk. 14

Deel

“Ŋinituŋanan ebuni neni kaŋ, nyeruwor ekaakewuapan, mati kakaminaki iŋes ayoŋ nooi akilo papa keŋ, toto keŋ, aberu keŋ, ŋidwe keŋ, atalokaato keŋ, atanakaato keŋ ta akiyar keŋ a ilope.

Ŋinituŋanan nyeryoŋi emusalaba keŋ, ido ekewuapak ayoŋ, nyeruwor iŋes jik ekaakewuapan.

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Toŋetak Yesu erwor keŋ ebala, “Ikoŋinapei, emam tari ipei alokidiŋ kus ŋini eruwor ekewuapan kaŋ, mati kipoto ibore daadaŋ ŋini eyakar iŋes.

“Ani eyai ipei alokidiŋ kus ŋini ecamit akiduk akai ŋina apolon, iboikin iŋes mono kimar etyae a ŋisiliŋa a ŋulu duket, toanyu erae keya ŋulu itemokino akirikakinia akiduk. Ani pa kitiya iŋes ikoŋina, ipiyori iŋes akirikakin akai ŋina sek aris kedukokin arwatata. Elomakinete ŋituŋa daadaŋ ŋulu iteete akienar iŋes, temasi, ‘Aberakin ituŋanan en akisyakin akiduk, nai tokona epiyo akirikakin!’

Nai ani itemokini iyoŋ akimuj, tonyarau ŋikulyak, ŋikecodok, ŋikaŋwalak ka ŋimudukanotin. Iryamuni iyoŋ arereŋu, anerae emam ikes ibore ikiinakinete iyoŋ. Ikitaci iyoŋ Akuj akoloŋit ŋina eyaruniata ŋituŋa ŋulu ajokak.”

“Ejok acumbi, nai ani kepyaniar, itasasamunio nabo ikwaani? Nyemaikina tari imorikinio ka ŋalup kori ka ŋasike; nai ecakaryo. Iŋes ŋini eya ŋaki ŋuna kiiraret, kiira!”