Gewilde Bybelverse vanaf YOANA 16

Deel

Maũndũ aa namũtavya, nĩ kana nthĩnĩ wakwa mwĩthĩwe na mũuo. Kũũ nthĩ mwĩ na thĩna: ĩndĩ ĩthĩwai na ũnyiau; nyie, nĩngĩlĩtye nthĩ vinya.

Ĩndĩ yĩla wĩũka, ũla Veva wa w’o, akamũtongoeasya amwonelelasye w’o w’onthe: nũndũ ndakaneena kuma kwake mwene; ĩndĩ maũndũ onthe ala ũkew’aa nĩmo ũkaneena: na akamũtavya maũndũ ala makoka.

Kũvika yu mũiaavoya ũndũ syĩtwanĩ yakwa: voyai, na mũkanengwa, kana ũtanu wenyu wusũe.

Ĩndĩ nĩmũtavya w’o: Nĩkũmwaĩle nyie nĩthi; nũndũ ethĩwa ndithi, ũla Mũtetheesya ndakoka vala mũĩ; ĩndĩ ethĩwa nĩngũthi, ngamũtũma vala mũĩ. Nake, yĩla wĩũka, akamĩĩkĩĩthya nthĩ ũndũ wa naĩ, na ũlũngalu, na ũsilĩlo

Nenyu yu mwĩ na kĩmako: ĩndĩ ngamwona ingĩ, na ngoo syenyu ikatana, na ũtanu wenyu vai mũndũ wĩmũvena. Na mũthenya ũsu mũtikangũlya ũndũ. Nĩ w’o, nĩ w’o, nĩngũmwĩa, O ũla mũkavoya Asa syĩtwanĩ yakwa, akamũnenga.

Nĩ w’o, nĩ w’o, nĩngũmwĩa, Inyw’ĩ mũkaĩa na kũmeta, ĩndĩ nthĩ ĩkatana: inyw’ĩ mũkeethĩwa na kĩmako, ĩndĩ kĩmako kyenyu kĩkaalyũlwa ũtanu.