Gewilde Bybelverse vanaf Ioane 16

Deel

Nouri kiao wade mo rioido nou naro nouri rio amea amea momu ainaimo‐oworohoi.

Ata nou ta’uwa Naiheha‐urio’i aiwau‐ro’ui nouro rio naiheha nanaito auwoha aiwai‐waboiiai, mabu nouri nou himiaido nouro iao raihe ata nouri nana nou aiwai‐rovidioi nouro aiwaroi, wia dooudo ko’u nana’i nouro rioido aiwai‐waeviai.

Opuito hiwio’i nouowa na ata rioo atodoimo biahai; tatodoimo ina rio’o aiwaimo‐iviai ina nouri rio geii nanao aiwaimo‐iapeuti.

Ata, mo rioido naiheha wade nou naro, Nou meaha rioido ina mo aino’u, mabu nouri ina mo o’u tatowa, Kiwabatuti‐urio rioido o’u raihe, ina mai no’uro nou rioido moro ainauro‐tiodoi. Ina nou ta’uwa nou o’uwa batibati oubi auwoha nouro aiwaiwotoi wia ubauba kidiara, meamea kidiara wia kiwotoi nana’i, oubi auwoha nouro umo aiwaiwai.

Wia doihabuo rio giopu mibo nou aibo rimahebidiodumo, ata moro rio ina ainaiauri wia rio giopu geii waimo‐imahebidioi, wia rio geii nana’i dubu ataro rio mabudo ihee biahai. Wia hiwio’i nouowa na ata rioo mo atodoimo raihe, Naiheha naiheha rioido mo ainaro, nana auwoha rioo Abeaido atodoimowa mo painawa, nouro rioido aiwauro‐imaai.

Naiheha naiheha mo rioido ainaro, rioo idebi aiwaimo‐irotuti wia rio giopu mibo nana aiwaimo‐iraromodioi; wia batibati oubi auwoha nei tiaha geii waimo‐emahebidioi, wia rio giopo auwo mibo waimo‐imahebidioi; ata rio mibo nana’i auwo geii nanao aiwaimo‐iwaeviai.