Gewilde Bybelverse vanaf Ioane 10

Deel

Piro‐duburo orohowa piroito imei wia iwotoi wia gooa iwai; mo tau no’uro neiio kiiro‐iworohomoi wia kiiro godogodo iworohodiomoi.

Movia meaha dabi‐duburi. Nouri mea dabi‐dubu nou himia kiiro mamoeido airimaatidio.

Mo himia mamoe neiio mo wade airirovidiodumo wia mo nei umori wia nei mo dooudo korobodomori.

Wia kiiro karae karae moro neido ainimaatidio wia hiwio ata neiio oroihimo raihe, ina dubu amidao nei mo tuudo owahiitimo raihe.

Movia biriri; ina dubu ata nou moido odorowa nouvia aiwa‐roitorai wia nou aiwadoroi ina nou aiwahuoi wia pi bari nouro aiwaiviai.

Movia mea mamoe dabi‐duburi, wia mo himia mamoe mo umori wia mo himia mamoe nei mo umori.

Mo Abearo nei moido ainemaatiro; nou auwo auwori wia dubu amidao nei mo Abea tuudo owahiitimo raihe. Mo wia mo Abea, imeiti na’u aibori.

Abea nou mo umori nou aibo mo Abea umori, wia mamoeido mo himia kiiro moro ainaimaai.

Dubu ata nou mo aueudo emidai raihe, mo himiaro ainimaai; movia pupuo ramu ainimaai wia mo pupuo ramu ainamidai; nouri wade modobo mo tau nivia mo himia Abea aueudo.

Wia Iesu neido ina iaowa: Naiheha, naiheha, mo rioido ainaro, movia mamoe biriri.

Dubu nou kowaati merewa, ina nou mamoe dabi‐dubu biahai wia mamoe nou himia mamoe biahai; ina nouro eauriwa heauwo kaukau o’uwa nou aiwadau wia heauwo kaukauro nei iohiaiwa wia mamoe airaratuutidumo.

Naiheha, naiheha, mo rioido ainaro, dubu nou mamoe batito biriudo odoro raihe wia ata hapuoudo kiorori, nouri dubu nou piro‐duburi wia nana kipiro duburi