Gewilde Bybelverse vanaf Kejadian 3

Deel

Prempuan de liat pohon ni de pu bua macam enak trus de kliatan bagus skali, baru bisa bikin de mngerti smua deng baik. Jadi, de ambil pohon itu pu bua trus de makan. Trus de kasi bua itu ke de pu suami yang ada sama-sama deng de juga. Trus de pu suami juga makan.

Waktu TUHAN Allah bikin binatang-binatang liar, dari dong smua, ada binatang satu yang paling pintar putar balik kata skali, de tu ular. Satu kali begini, ular de pigi bicara ke prempuan. De bilang begini, “Betul ka, Allah larang kam makan bua dari smua pohon dalam taman ini?”

Sa nanti bikin ko deng prempuan ini baku musu. Ko pu turunan deng prempuan ini pu turunan nanti baku musu juga. Nanti de pu turunan kas hancur ko pu kepala, trus ko nanti patok de pu tumit.”

Trus TUHAN Allah bicara ke prempuan begini, “Nanti ko pu rasa stenga mati waktu ko hamil, Sa kas tamba banyak. Trus nanti waktu ko mo lahir anak, ko rasa sakit skali. Biar su begitu tapi, ko nanti tetap mau deng ko pu suami, tapi ko pu suami yang nanti pu kuasa atas ko.”

Ko harus kerja sampe kringat-kringat untuk dapat ko pu makanan dari tana ini. Ko pu hidup nanti begitu trus sampe ko kembali ke tana. Ko ini dari debu, jadi ko nanti kembali jadi debu lagi.”

Baru ke Adam, TUHAN Allah bilang begini, “Ko su ikut ko pu istri pu kata-kata untuk makan bua dari pohon yang Sa larang ko makan. Gara-gara ko pu klakuan itu, Sa kasi kutuk ke tana ini. Slama ko hidup, ko harus kerja tana ini stenga mati untuk bisa dapat makanan dari situ.

TUHAN Allah tanya dia, “Sapa yang kastau kalo ko tlanjang? Ko pasti su makan bua dari pohon yang Sa larang ko makan itu to?”

Habis itu, Allah taru malaikat-malaikat penjaga di bagian timur taman Eden. Trus Allah taru pedang api yang taputar ke smua ara juga. Allah taru dong disitu, untuk jaga jalan yang mo ke pohon yang de pu bua bikin orang hidup trus.

Adam de panggil de pu istri deng nama Hawa, karna nanti prempuan ini de jadi mama yang lahir moyang-moyang dari smua manusia.