Gewilde Bybelverse vanaf Génesis 1

Deel

Nirkurnami kayno nirqan: <<Kananqa runata kamashun kikintsi niraqta. Noqantsino kananpaqmi payta kamashun. Paypa munayninchömi kanqa pescädukuna, päriqkuna, ashmana kaq y mana ashmana kaq uywakuna y pachalanpa y lätaypa puriqkunapis>>. Kikin niraqtami runata Tayta Dios kamarqan. Payno kananpaqmi kamarqan. Olqutapis warmitapis paymi kamarqan.

Nirkurnami bendicionninta qorqan kayno nir: <<Kay patsa juntananyaq mirapäkuy. Munaynikicho katsun pescädukuna, päriqkuna y kay patsacho lapan kawaqkunapis>>.

Imapis manaraq kaptinmi Tayta Dios kamarqan jana patsatapis y kay patsatapis.

Kay patsaqa manami kanan kaykashqannötsu karqan, sinöqa yanawyaykaq yakulami karqan. Tsay yaku jananchömi Tayta Diospa Espïritun kuyuykarqan.

Tsawraqa Tayta Dios kayno nirqan: <<¡Atsikyaq katsun!>> Niptinmi atsikyarqan.

Lapan kamashqankuna pasaypa ali kashqantami Tayta Dios rikarqan. Tsaykunatami kamarqan soqta kaq junaqcho.

Atsikyaqta kamarkurmi Tayta Dios rikarqan ali kashqanta. Tsaymi kamakätsirqan tsakaypis atsikyaqpis kananpaq.

Tsaypitana kayno nirqan: <<Mikupäkunaykipaqmi kamashqä kay patsacho lapan mikuna kaq jachakunata y wayuq kaq yörakunatapis.

Tsaypitana atsikyaqpa jutinta churarqan junaq kananpaq y yanawyaykaqtana tsakay kananpaq. Tsaykunatami kamarqan punta kaq junaqcho.

Tsaypitami Tayta Dios kayno nirqan: <<Ishkayman yaku rakiränanpaq yaku chawpincho azulyaraykaq katsun>>.

Uywakuna, päriqkuna y pachalanpa y lätaypa puriqkuna mikupäkunanpaqmi jachakunatawan qewakunata kamashqä>>. Nishqannölami lapanpis kamakarqan.

Tsaypitanami Tayta Dios kayno nirqan: <<Jana patsacho atsikyaqkuna katsun junaqpis tsakaypis kananpaq, junaqkunata watakunata yupapäkunanpaq y murunanpaq cosechananpaq imay kashqantapis musyapäkunanpaq.

Nirkur kayno nirqan: <<Alpapita winamutsun tukuy casta jachakuna. Tsay jachakuna kanqa muruyuq qewakuna y tukuy niraq wayuq yörakunapis>>. Nishqannölami lapanpis karqan.

Nishqannölami azulyaraykämuqta kamarqan. Tsaynöpami wakin kaq yaku quëdarqan kay patsacho y wakin kaqnami azulyaraykämuqpa janancho. Nishqannölami lapanpis karqan.

Tsaymi winamurqan tukuy niraq jachakuna y tukuy niraq wayuq yörakunapis. Tsaykunata kamarkurmi Tayta Dios rikarqan ali kashqanta.

Tsaynömi kamarqan intita, killata y qoylarkunatapis. Intita kamarqan junaqpa atsikyänanpaq y killatana kamarqan tsakaypa atsikyänanpaq.

Tsaypitanami Tayta Dios kayno nirqan: <<Ura kaq yaku juk patsalaman juntakätsun tsaki patsa rikakänanpaq>>. Tsay nishqannölami lapanpis kamakarqan. Tsaki kaqpa jutintami Tayta Dios churaparqan patsa jutin kananpaq. Y juntakashqa kaq yakutami lamar nirqan. Tsayno kamarkurmi Tayta Dios rikarqan ali kashqanta.

Nirkurnami bendicionninta qor kayno nirqan: <<Lamarcho kawaqkuna y patsa jananpa päriqkunapis, atskaman mirapäkuy>>.

Tsaypitanami Tayta Dios kayno nirqan: <<Tukuy niraq uywakuna katsun: ashmana kaq y mana ashmana kaqpis. Tsayno katsun pachalanpa y lätaypa puriqkunapis>>. Nishqannölami lapanpis kamakarqan.

Tsaypitana Tayta Dios kayno nirqan: <<Yakucho lapan casta kawaqkuna y patsa jananpa päriqkunapis atska katsun>>.

Tsaynöpami Tayta Dios kamarqan tukuy niraq ashmana kaq y mana ashmana kaq uywakunata y pachalanpa y lätaypa puriqkunatapis. Tsaykunata kamarkurmi Tayta Dios rikarqan ali kashqanta.