Gewilde Bybelverse vanaf Maaruku 13

Deel

Atthu ooshi anttela owiinani mwaasa wa miiyo. Ila otule anttelaaye ovilela mpakha mwiisho, ontta wuusurukha.

Phoole, mwiiye woojeekesela, maana khamwijuweeni ofiya wa wakathi aya opo.

Amana mwithuuliwa olawa ofukiwa na ophukiwa, mwihishukulikhele etthu yoolupa, ila ethiito mwinttelaaye winkhiwa wakathi aya otthuupo mwilupe ethiito, maana khahiyo mweeyo mwinttelaaye ottakhulaaye, ila Rooho Ttakatthiifu.

Pinku na vathi zooshi zinteela ovira, ila mattakhuzi aka khanviraru.

“Ila monkoni wa siikhu ama wakathi khina anjuwaaye, wala malayikha pinkuuni wala Mwaana, woohiiyi Paapa.

Amana mwisiila viittha ama hapari za viittha, mwihoove maana epo, ena zoorettikhana, khahiyo wiisha woolumwenku.

Tiito, mwijeekesele, maana mweeyo khamwinjuwa wakathi mweenyewe nyuupa anttelaaye oruti; enttela wiiya njuwa looveva, osikhu layili, lifwajiri ama supu. Amana ye ata woohileezi, ti ahuusikaneni mweettaka olala. Epile kiniwuuzaanini, kiniwuuzani mooshi: Mwijeekesele!”

Khapila moote enttela wuumanana khapila kiina, na ofwalume onlawa woomanane ofwalume nkina. Zinlawa zeeyevo visikinyaatthi khwa phantte zoofwarikhana na jala. Epo zaya yaazo ya vitthu za olwaaza.

Ila enihithajiya olaleyiwa hapari zooshapweya khapula khwa khapila zooshi.

Maana atthu awaatta anlawa ate khwa nzina laka alupaka yoori: ‘Miiyo ki Al-Masiihu’! Na awaahate atthu awaatta.

“Mweeyo mwiiyane phoole, maana mwinlawa mwenkheleliwe wa anamaphuka na mwinlawa mwajaphiwe mmasinakooka, na mwilawaniwe wa misatoro na wa afwalume, mwaasa wa miiyo, yoori mwiiye mashaahiti.

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

“Ila siikhu zaya epo, paata ya pala ya miswipa zaya epo, njuwa linttela oripa na mweezi onttela olikha waara. Matthottowa akwe pinkuuni na owahi wa pinkuuni onttela osakhinyeya.