Gewilde Bybelverse vanaf Mateus 8

Deel

Jesus akore: – Kočare tabagudure? Kočare tameartorukare i? Nono Jesus ure turagojedo ika ja tada. Nono makore nou bakuruji nou poboji dukodire nou bakuru akedure, nou pobo butugugodure jamedu.

Mare nou tugobaigarege eimijera makore Jesusji pugeje. Akore: – Boe eimijera kurireu nure aki rugadu. Atukaba iwai ka. Mare tu nou awadaru tabore amode itugare pemegago. Amagomode dukeje itugare pemegagodumode rugadu.

Jesus meardure nou tugobaigarege eimijera akoino duji dukeje Jesus jebogodure. Makore nou rakojere pudabowugei. Akore: – Iwo tawie. Judeu karegure ema mare awu imedu meartorure i rugadu Israel moto kejewu Judeu doge eiamedu boe emeartoru kori.

Nono Jesus makore nou tugobaigarege eimijeraji pugeje. Akore: – Ča. Ameartorure i rugadu. Ire nou atugare pemegago tu iwadaru tabo nono ameartorure i dumogadure. Atudo aibagi toro awai ka arduwo ji. Ča Jesus ure tuwadaru iado dukeje nou tugobaigarege eimijera utugare pemegagodure rugadu tači je.

Nou Jesus ure jorduwadowuge ebogodure rugadu. Egore pui: – Duboba nure awu imeduče? Kočare bakuru, pobo emeartorure awu imedu bataruji rugadu!