Gewilde Bybelverse vanaf Lucas 4

Deel

“Añ i yEspíritu lac Yum tic pusic'al. Tsi' yajcayon cha'añ mic su'beñob wen t'añ jiñi p'ump'uño' bʌ. [Tsi' chocoyon tilel cha'añ mic lajmesʌbeñob i ch'ijiyemlel jiñi ch'ijiyemo' bʌ i pusic'al,] cha'añ mic su'beñob loq'uel jiñi ñup'ulo' bʌ, cha'añ mij cambeñob i wut jiñi xpots'ob, cha'añ mi cʌc'ob ti colel jiñi tic'lʌbilo' bʌ, yic'ot cha'añ mic su'b i ja'bilel i yutslel i pusic'al lac Yum.”

Jesús tsi' jac'be: —Cucu ti loq'uel wʌ' ba'añon, Satanás, come ts'ijbubil: “Yom ma' ch'ujutesan a Yum Dios. Cojach jiñi yom ma' yuman.”

Jesús tsi' jac'be, tsi' su'be: —Ts'ijbubil: “Mach ti wajic jach cuxulob wiñicob x'ixicob, [cojach ti pejtelel t'añ ch'oyol bʌ ti Dios.”]

Jesús, but'ul ti jiñi Ch'ujul bʌ Espíritu, tsi' cʌyʌ Jordán ja'. Jiñi Espíritu tsi' pʌyʌ majlel c'ʌlʌl ti' jochol bʌ lum.

Jesús tsi' su'be: —Albilix jiñi t'añ: “Mach yomic ma' wilʌben i pusic'al a Yum Dios.”

Che' bʌ tsa' ujti i yilʌben i pusic'al Jesús, jiñi xi'ba tsi' poj tʌts'ʌ i bʌ jumuc' ti' tojlel.

Jiñi xi'ba tsi' pʌyʌ majlel ti chañ bʌ wits. Ti ora jach tsi' laj pʌsbe Jesús i yumʌntel tac jiñi yumʌlob ti pañimil. Jiñi xi'ba tsi' su'be Jesús: —Mi caj cʌq'ueñet pejtelel iliyi yic'ot i p'ʌtʌlel yic'ot i ñuclel, come laj aq'uebilon tic wenta. Mi cʌq'uen majqui com. Muq'uic a ñocchocon a bʌ a ch'ujutesañon, laj a cha'añʌch mi' majlel ti pejtelel. Jesús tsi' jac'be: —Cucu ti loq'uel wʌ' ba'añon, Satanás, come ts'ijbubil: “Yom ma' ch'ujutesan a Yum Dios. Cojach jiñi yom ma' yuman.”

Jiñi xi'ba tsi' pʌyʌ majlel Jesús ya' ti Jerusalén. Ya' tsi' pʌyʌ majlel ti wa'tʌl ti' pam i jol Templo. Tsi' su'be: —Mi i Yalobilet Dios, choco ju'bel a bʌ. Come ts'ijbubil: “Mi caj i su'beñob i yángelob cha'añ mi' cʌntañet. Yic'ot mi caj i chuquet ti' c'ʌb, ame a jats' a woc ti xajlel.” Jesús tsi' su'be: —Albilix jiñi t'añ: “Mach yomic ma' wilʌben i pusic'al a Yum Dios.”