Gewilde Bybelverse vanaf MATTHAI 13

Deel

Laitheen dawngah aka tla caangti tah Vaan ram kawng te a yaak tih aka yaakming thlaang te a thuingaihna, ahimi tah a vui athaih thaawn tih apueh yakhat, apueh sawmruk, apueh sawmthum la thaawn.

Thliing tim ah aka tla caangti thui-ngaihna tah Vaan ram kawng tah a yaak de dilai khawsakna dawngah lakueng tih dilai han bawilen ngaihna lawng akang ahalh khoep tih caangvui caangthaih aka thaawn nawh oen lo u.

A-u khaw Vaan ram kawng awlthang a yaak de aka yaakming nawh te tah lawngpui ah aka tla caangti oen lo u. Ahimi thinkaw ah a heh u caangti te Seitan lawng law tih a rot pe.

Lungrawng sawkah dilai apamna ah aka tla caangti tah Vaan ram kawng a yaak vengah awmngaihcala aka do koeloe thlaang oen lo u. Tede, ahimi kah thinkaw lungbui ah Vaan ram kawng a thlengyung a thlaak nawh dawngah asan hlang hing nawh. Tedawngah Vaan ram kawng dawngah thekha raina oen heemtekna soeprep a law vengah ahimi lawng kawlkalh ah a hoett pahoei.

“Vaan ram tah he oen lo u. Thlaang pakhat lawng lo ah khawh-arang a thuh te a huh. Ahih lawng atheenla a up koep tih awmngaihla im la cet. A khueh thaihu boeih te a yoeih coengah meel koep tih te kah lohuen te a lai.

Tede caangti khatsut tah laitheen dawngah tla tih a vui a thaih thaawn. Khatsut tah apueh yakhat, sawmruk, sawm thum toe la nawl.”

Caang ah tue a pha thlantoe caangkung oen varaamcaang te roeng haih hawn seh. Caang ah tue a pha vengah cang-aat hue te lamhala varaamcaang te phuk, tuum u langtah hai dawngah phuum uh, te coengah caang te aat uh! caawi u langtah ka thaidi khuiah sang uh, ka tina badai.” a tina.