Gewilde Bybelverse vanaf Matio 28

Deel

Ɛ̍ tìh-ɛ, mɔ̀ mu̍, mɔ̀ ple̍ blǔh kli̍hgbɛ̍ la we̍ mɔ̀ iě nyɔ̍ kli̍hgbɛ̍ ǎn kòà we̍i̍ nu̍. Nɛ̀ mɔ̀ po̍ u̍h nǐ dlǔ dǒ Baa ke Jǔ ke Nyɔsoa-a Sùù-a nynɛ̌ kɛ̍n. Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Wɛ̀ Nyɔsoa-a ǐnchɔ̀ la̍a̍ dě nynɔ̌gbaɔᵻ laa̍ we̍, “Mɔ̀ bɔ̌ faɔn ple̍-ɛ, ǐn juo ɛ̍ Jusu ɔ̀ u̍h kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo mɔ̀-a pɔ̀n i̍. Jɛ ɔ̍ se̍ da̍a nɛ dɛ. Ɔ̍ wlǔh-e wɛ̀, ɛ̀ ɔ̍ sà-aɛ bo ɔ̍ nu̍-a. Mɔ̀ ji̍ tà ɔ̍ pɛ̌n-a i̍ de-ɛ jě.

Wɛ̀ Jusu la̍a̍ dě u̍h we̍, “Mɔ̀ bɔ̌ faɔn ple̍-ɛ. Jɛ mɔ̀ mu̍ mɔ̀ iě ǎn kòà wlùh sèàɛ̍ ùh nu̍-a ǐn de̍di̍i̍ᵻɛ́, u̍h iě Kaladii mu̍ dě u̍h-a mu̍ ǐn jě-e.”

Wɛ̀ Nyɔsoa-a slaǎ sà nyɔ̍ klaaᵻ ke nyɔ̍ klaaᵻ jiěe dlǔ-i. Wɛ̀ u̍h nyǐ fledlǔ laa̍ wlǐ dɔu. U̍h la̍a̍, “Ka mɔ̀ iě-a dǎ-ɛ, mɔ̀ la̍a̍, ‘À nɛ dǒ mɔ̌ la̍ wɛ̀ ɔ̍ kòà ji̍ maɔ̍, iě u̍h jlǐ ɔ̍ kǔ.’ Pò Pale wɔ̌n i̍h-ɛ, nɛ̀ à mu̍ ɔ̍ pɔluh i̍ pɛ̌n-ɛ ɔ̍-ɔ je̍e mɔ̀ dɛ̍ nui.” Wɛ̀ fledlǔ dǔ wlǐ laa̍ iě u̍h nu̍ dɛ̍ u̍h dǎ-aɛ. Pɔ̀n laa̍ bo ɛ̀ dlɛɛ-a ka i̍ sèàn dě Juu nyɔ̍ nynɛ̌ we̍.