Gewilde Bybelverse vanaf Matio 26

Deel

Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Wɛ̀ ɔ̍ la̍a̍ dě u̍h we̍, “Wɔɛ nɛ-a dě ǐn wlùh di̍i̍-ɛ, ɛ̍ wɛ̀la ɛ̍-ɛ dbǎ m̌. Mɔ̀ sie da̍a mɔ̀ iě ǐn de̍e̍ i̍ tè.”

Ɔ̍ klɛɛn-a dǒ nya̍ wɛɛ-ɛ, wɛ̀ ɔ̍ chlìi i̍ gbìi̍i dǒ bloɔ̍ iě ɔ̍ ba̍le. Ɔ̍ la̍a̍, “Ǐn Baa, pò ɛ̍ nɛ ɛ̍ ka̍-ɛ, nɛ̀ ìn sà ǐn kàu̍n la wɔ̍i̍n lě. Jɛ dɛ̍ ìn wɔ̌ɛn-a kɛ̍n i̍-ɛ, ɛ̍ bo ìè nu̍, ɛ̍ se̍ naɛ̍ ǐn se̍ dǎ.”

Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu-a gblɛ̍n sɔ̀ɛ̀n-a tìh i̍ tǎli-ɛ we̍.

Ti̍ Jusu ke ɔ̍ kòà-a di̍-a dɛ̍-ɛ, wɛ̀ ɔ̍ dǔ blèe̍ gba̍n-a, iě ɔ̍ po̍ Nyɔsoa tlɔ̌. Wɛ̀ ɔ̍ chɛɛn ɛ̍ i̍, iě ɔ̍ nyǐ ɛ̍ u̍h. Ɔ̍ la̍a̍, “Mɔ̀ gbɛ̍n i̍ mɔ̀ iě di̍, ɛ̀ la̍ ǎn ku̍ bo.”

Wɛ̀ ɔ̍ dǔ kàu̍n-u, iě ɔ̍ po̍ Nyɔsoa tlɔ̌. Wɛ̀ ɔ̍ nyǐ ɛ̍ u̍h, ɔ̍ la̍a̍, “Mɔ̀ kli̍hgbɛ̍ mɔ̀ nǎ ɛ̍.

Wɛ̀ ɔ̍ ji̍ de̍ dǒ ɔ̍ kòà laa̍ we̍, iě ɔ̍ jɛɛ u̍h nyinɔ̍ i̍. Ɔ̍ la̍a̍, “Pitɛ, mɔ̀ se̍ nyinɔ̍ jlǐh i̍ ku̍-ɛ bɛ̌ɛ dǒ ti̍ gbɔ̍ wei di̍i̍ ae?

Ǎn sèàɛ̍ mɔ̀ wlùh, ǐn se̍ nmɔ̍ la nǎ mu̍ dɛ. Weɛ̍ ǎn mu̍-a ɛ̍ nǎ-a delee i̍ po̍-ɛ nɛ̀ ɛ̍ mu̍ dě ǐn Baa-a kmɔ̌ wlu̍ i̍ kɔn-ɛ di̍i̍ nu̍.”

Iě wlu̍ Jusu bla̍-ɛ, wɛ̀ ɛ̍ dǔ dǒ Pitɛ wlì i̍ sǐ-ɛ. Ɔ̍ la̍a̍, “Àn mu̍ ǎn tìh-i tòlo ìè gbɔ̍ᵻ ta̍a̍n nu̍ sasǎ wɛ̀ suuh iě slò-ɛ dǔ.” Pitɛ sǐ-a sɔ̀n-ɛ, iě ɔ̍ fìn dɛ̍blɔ dɛ.

Mɔ̀ sɔ-ɔ à iě mu̍ la̍ sǔh. Ɔ̀ mu̍-a ǐn kwlǎ sà-a, ɔ̍ nɛ à i̍ wɛ̀.”

Wɛ̀ Jusu la̍a̍ dě ɔ̍ we̍, “Tà àn plàn chlɛ̀n la ɛ̍ sɔ-aɛ, po̍ ɛ̍ dǒ de̍. Dɛ̍nu̍ɛ, nyɔ̍ ùh-a fɔ̀n-ɛa plàn chlɛ̀nᵻɛ́, u̍h-a mu̍ plàn chlɛ̀nᵻ i̍ mɛ̌-ɛ.