Gewilde Bybelverse vanaf Matio 15

Deel

Jɛ dɛ̍ᵻ ìh-a jii-a dě nyɔ̍ wɔ̍ɔ̍n-ɛ, nɛ̀ dǒ wlùh kɛ̍n bo i̍h sɔ. Nɛ̀ i̍h laa̍ bo ìh-a nyni nyɔ̍ dě Nyɔsoa jlǐh i̍. Dɛ̍nu̍ɛ, dǒ nyɔ̍ wlùh kɛ̍n bo dɛ̍ᵻ sɔ̀nᵻ wlùh i̍ naɛ-ɛ sɔ. I̍h-a nu̍ ɛ̍ àn poe nyɔ̍ gbe̍ja̍a̍, àn nu̍ nynɛ̌à, àn nu̍ gbǎn, àn jlǐ, àn tmɔ̌ si̍h, ɛ̍ ke nyɔ̍-a nynɛ̌ jii̍ nyni-ɛ ke.

Dɛ̍ ɛ̀ mu̍-a dě nyɔ̍ wɔ̍ɔ̍n-ɛ, ɛ̍-ɛ nyni nyɔ̍ dě Nyɔsoa jlǐh i̍. Jɛ dɛ̍ ɛ̀ sɔ-a dě wɔ̍ɔ̍n-ɛ, ɛ̍ bo ɛ̀ nyni nyɔ̍ dě Nyɔsoa jlǐh i̍.”

‘Nyɔ̍ la u̍h-a wɔ̍n-a sǔh bo u̍h-a tè-e ǐn ja̍, jɛ u̍h-a wlùh ti̍ɛ̍ɛn ǐn we̍ i̍. U̍h-a sà ǐn wɛɛ bu̍ɛ̍i̍. Wlɔ̀ nyi̍ɔ̍-a telě bo u̍h-a poe nyɔ̍ nǎ u̍h-a dǎɛ naɛ̍.’ ”

Wɛ̀ Jusu la̍a̍, “Nynɔ̌ la àn wlùh gbaɛ ku̍ wɔ̍n. Dɛ̍ àn pɔ̀n-aɛ, ɛ̍ mu̍ nɛ dǒ ìn we̍.” Sɔ dǒ tàdùè laa̍ bo ɔ̍ jǔ nynɔ̌gbaɔ nyna ɔ̍ pǔh.

Wɛ̀ nynɔ̌ mu̍ iě ɔ̍ chlìi i̍ dǒ ɔ̍ jǔ. Wɛ̀ ɔ̍ la̍a̍, “Nyɔ̍ klaa, gbǎ ǐn we̍ lě.” Wɛ̀ Jusu la̍a̍, “Ɛ̍ se̍ i̍ slɛ̌ nyɔ̍ iě nynuu̍plìh-a di̍-dɛ̍ᵻ dǒ gbèᵻ jǔ i̍ wèla.” Nynɔ̌ la̍a̍, “I̍i̍n, nyɔ̍ klaa, kǎ ɛ̍ nɛ, jɛ di̍h gbàɛ̀ jih-a sɔ-a dǒ i̍h-a dlǔtu-a teble̍ kɛ̍n-ɛ, i̍h bo gbèᵻá chɛ̀-ɛ di̍ ke.”