Gewilde Bybelverse vanaf San Juan 5

Deel

Kinapodpodno iya ikowan ko son si‐kayo. Sota memati nonta ikowan ko tan memati son Amak ja engibetkag ali son si‐kak, si‐katoy eẃad‐an ni biyag ja enshiy to engintegan, jet eg to da‐kaman na meshosa, ta ẃara son si‐kato sota biyag ja edapo son Apo Shiyos.

Si Jesus, inon‐an to iyay ya too, jet amta to ey ebayag ga emansekit ja emansessesked nodtan. Inbag‐an to ja kowan to ey, “Piyan mon onmapteng?”

Si‐kayo, joka ad‐ashala sota esel nen Apo Shiyos ja naysolat nonta bayag da, ta say pangkep jo, kowan jo emo ey sepolan jo nodtan sota biyag ga enshiy to engintegan. Nem si‐kak i kaytoshongan nonta ira naysolat nodtan na dibsho ja joka ad‐ashala, ey si‐kayo, eg jo kosto ja memati son si‐kak, say may‐aknan kayo koma ni biyag ja enshiy to engintegan.

Jet si Jesus, kowan to so nontan na too ey, “Dayat ka, isingpet mo ita shokolan mo et pan‐akad ka.” Jet mimapteng nga shagos sotan na too, jet insingpet to sota shokolan to, jet nan‐akad. Epasemak iyay nonta timpo ni akew wa ngilin ni Hodiyos

Jet si Jesus, kowan to so nonta ira Hodiyos ey, “Kinapodpodno iya ikowan ko son si‐kayo. Si‐kak ja Anak to, enshiy kabedinan kon mandeka ni angken nganto, no a‐abos ko bengat; jet say mebedin bengat ja dag‐en ko, sota inon‐an ko ja obda nen Amak. Sota obdak, inges toy obda nen Amak.