Gewilde Bybelverse vanaf San Mateo 6

Deel

Peheka raẽ pe Tupã Ñandejára reino ha pe teko marangatu ha'e oipotáva, ha upéi oñeme'ẽ vaerã avei peẽme opa ko'ã mba'e.

Upéva rehe ani pejepy'apy ko'ẽramo guarã rehe, ko'ẽramo niko oĩ vaerã ambue jepy'apyrã kuéra. Ára peteĩ teĩ niko oguereko ijepy'apy tee tee.

‘Upéva rehe ha'e peẽme, ani pejepy'apy pende rekove rehe, pene rembi'urã rehe, terã pey'u vaerã rehe, terã pende rete rehe mba'épa pemondéta. ¿Na mba'eguasuvéipa ñande rekove pe tembi'úgui, ha ñande rete aógui?

Nde katu, reñembo'éta ramo, eike nde kotýpe, emboty ne rokẽ, ha eñembo'e nde Ru oĩvape nendive ne añoháme. Ha nde Ru ohecháva pe rejapóva ne añoháme, ombyekovia vaerã ndéve opavave rovake.

Upéva rehe peñembo'e peẽ kóicha: Ore Ru reiméva yvágape, toñemomarangatu nde réra. Tou ne reino, tojejapo ne rembipota yvy ári yvága peguáicha.

Eme'ẽ oréve ore rembi'urã ko ára peguarã.

Ore perdona ore rembiapo vaikue rehe, ore roperdona háicha avei umi ojapo vaívape ore rehe.

Ani reheja roñepy'ara'ã, ore pe'a uvei pe ivaívagui. Ne mba'e niko pe reino, ha pe pu'aka, ha pe gloria tapia guarã. Amén.

‘Peẽ peperdona ramo umi ojapo vaívape pende rehe, pende Ru oĩva yvágape pene perdona vaerã avei

Pema'ẽ umi guyra ovevéva rehe, noñemitỹi, nomono'õi, ha nombyatýi oñeñongatuhápe, opáichavo, pende Ru yvága pegua omongaru ichupe kuéra. Peẽ niko mba'eguasuve ichugui kuéra.

‘Ani pembyaty mba'eta ko yvy ári, ao raso ombyaipahápe, ha mba'e kuéra itujuhápe ha mondaha kuéra oikehápe omonda haguã. Pembyaty uvei mba'eta yvágape, ao raso ombyai'ỹháme ha mba'e kuéra ituju'ỹháme ha mondaha kuéra oike'ỹháme omonda haguã. Pe pene mba'eta oĩháme, upépe avei oĩ vaerã pene corazõ.

‘Avave ndaikatúi ojejokuaiuka mokõi járape, nda ija'éine peteĩ rehe, ha ohayhúne pe ambuépe, terã ombojeroviáne peteĩme ha omomarãne pe ambuépe. Ndaikatúi pembojerovia Ñandejárape ha mba'etápe avei.

Ha Tupã Ñandejára upéicha omonde ramo pe ka'avo ko'ãga oĩva ñúme ha ko'ẽramo ojehapýva tatakuápe, ¡peẽmema katu pene monde vaerã kuimba'e jerovia'i!

Nde katu oime ramo reme'ẽva umi oikotevẽvape, ani oikuaa pe nde rapicha rehayhuvéva jepe, eme'ẽ uvei ñemiháme. Upéicharamo nde Ru ohecháva pe rejapóva ñemiháme ombyekovia vaerã ndéve opavave rovake.

‘Aníke pejapo pene rembiapo porã yvypóra kuéra renondépe pejechauka haguã ichupe kuéra. Upéicha pejapo ramo pende Ru oĩva yvágape nombuekoviái chéne peẽme mba'evépe.

‘Ha peayuna jave, ani peñembohovasy umi hova mokõivaicha; ha'e kuéra niko ojapo upéicha ojehechauka haguã oayunaha. Añete ha'e peẽme, upéichape oñembyekoviamaha ichupe kuéra. Nde katu reayuna jave, ejovahéi ha eñakãkarãi, ani haguã avave ohechakuaa reayunaha reína. Nde Ru añó ohecháva pe ne añoháme rejapóva, ohechakuaa vaerã; ha ombyekovia vaerã ndéve opavave rovake.