Gewilde Bybelverse vanaf Yohana 6

Deel

ɄYɨɨsʉ akavaanda akata, “Ʉne neene kyakʉlya ɨkipela ʉwʉʉmi wa sikutsooni. Ʉmuunu ʉvaveetsaga ʉvɨ ikwitsa kwane, nʉ kʉnnyɨdɨka, nalavawe ɨnzala pange ʉkʉva nɨ kyʉmɨlwa lʉsiku.

ɄMepo va Ngʉlʉve vɨ mwene ikʉvapa avaanu ʉwʉʉmi wa sikutsooni. Amaka ga vaanu nagitangɨla kɨɨnu pakʉta ʉmuunu akave ʉwʉʉmi wa sikutsooni. Amamenyu ʉgwʉ ndɨvavʉʉlile gikʉvapelela avaanu vave nʉ Mepo va Ngʉlʉve, ikange vave nʉ wʉʉmi wa sikutsooni.

Mulekage ʉkʉvomba ɨmbombo kʉ vʉsumbe wa kʉkava ɨkyakʉlya ɨkivola, apeene muvombage kʉ vʉsumbe wa kʉkava ɨkyakʉlya ɨkyʉ nakivola, ɨkyʉ kikʉvapelela muve vʉʉmi sikutsooni. Ʉne ndɨ Mwana va Muunu ndikʉvapa avaanu ɨkyakʉlya ɨkyo, ʉlwakʉva ʉDaada ʉNgʉlʉve avoniitse pavʉvalasu amaka gango ga kʉvomba ɨlyo.”

Apo kwʉ kʉta vʉnogwe wa Daada ʉkʉta ʉmuunu nʉ muunu ʉvɨ alʉmanyile ʉkʉta ʉne neene Mwana va Ngʉlʉve, nʉ kʉnnyɨdɨka, akave ʉwʉʉmi wa sikutsooni. Pwʉ ʉne ndɨliitsa ndikʉntsʉʉsa pa kɨgono kya vʉhɨgi.”

ɄYɨɨsʉ akavaanda akata, “ɄNgʉlʉve inogwa muvombage ɨmbombo mamato ɨjya kʉnnyɨdɨka ʉne, ndɨ ndɨsuungʼilwe nʉ mwene.”

Avaanu vooni ʉwʉ ʉDaada amye, vikwitsa kwane nʉ kʉnnyɨdɨka. Ikange ʉmuunu ʉvaveetsaga ʉvikwitsa kwane, ʉne nandikʉmʼbeela lʉsiku

ɄSimoni Petulo akamwanda akata, “Gwe Ntwa, tʉbɨhe kwani? Ʉve veeve ʉlɨ na mamenyu agikʉtʉpa ʉwʉʉmi wa sikutsooni.

Ʉne neene kyakʉlya ɨkyʉ kiikile ʉkʉhʉma kʉkyanya, ɨkyʉ kikʉvapa avaanu ʉwʉʉmi. Ʉmuunu ʉvaveetsaga ʉvɨ iilya ɨkyakʉlya ɨkɨ, iiva nʉ wʉʉmi wa sikutsooni. Ɨkyakʉlya ɨkɨ gwʉ mmana gwango, ʉgwʉ ndihʉmya kʉ nongwa jya vaanu vooni, pakʉta vave nʉ wʉʉmi wa sikutsooni.”

Nakʉli ʉmuunu ʉvɨ iweesa ʉkwitsa kwane, apeene mwene ʉlya ʉvɨ akwegilwe nʉ Daada ʉvɨ ansuungʼile, nʉʉne ndɨliitsa ndikʉntsʉʉsa pa kɨgono kya vʉhɨgi.

Ɨkyakʉlya kya Ngʉlʉve vɨ ʉlya ʉvɨ ikile ʉkʉhʉma kʉkyanya, pakʉta avape ʉwʉʉmi wa sikutsooni avaanu vooni va mu kɨlʉnga ʉmʉ.”

Ʉne neene kyakʉlya ɨkyʉ kikʉvapa avaanu ʉwʉʉmi wa sikutsooni.

Itso wʉ tsivombiike, ʉYɨɨsʉ akatoola ɨmikate gɨlya, akasaana kwa Ngʉlʉve, akamenyulania, akatavʉla vagavɨlwe avaanu vooni ʉwʉ vaalepwo palya. Akavomba vʉvʉle vʉle na kʉ sisomba silya sivɨlɨ. Ʉmuunu nʉ muunu akalya ndʉwʉ aanogilwe ʉkʉlya. Avaanu vooni wʉ vigwite, ʉYɨɨsʉ akavavʉʉla avakongi va mwene akata, “Ndidoova mulʉndamanie ɨkyakʉlya kyoni ɨkɨsigye, kɨleke ʉkʉvepwo ɨkijaga.”

Avakongi va Yɨɨsʉ wʉ vagendiitse ʉwaato ʉta ikilomita ihaano evo ntanato (6), vakambona ʉYɨɨsʉ igenda pakyanya pa nyanza, ikwitsa pawiipi, ihegelela kʉ waato ʉmwʉ vaale, vakadwada siitso. ɄYɨɨsʉ akavavʉʉla akata, “Muleke ʉkʉdwada, ʉne neene!”