Gewilde Bybelverse vanaf Yohana 13

Deel

Lɨno ndikʉvapa ʉlʉlagɨlo ʉlʉpya ndiita, ‘Mugananage. Ndʉwʉ ʉne ndɨvaganile ʉnyie, vʉvʉle vʉle najyʉnyie mugananage.’ Ɨngave muganana, pwʉ avaanu vooni jʉvikʉlʉmanya ʉkʉta ʉnyie mulɨ vakongi vango.”

Ʉne ndɨ Mmanyisi viinyo, ikange ndɨ Ntwa viinyo, ndɨvapugwise isilʉnde ʉnyie. Vʉvʉle vʉle najyʉnyie wʉ muvombage, mupugusaniage isilʉnde siinyo. Ndɨvavoniitse ɨkɨhwananitso ɨkɨ pakʉta najyʉnyie muvombelanilage ndʉwʉ ndɨvavombye ʉnyie.

ɄYɨɨsʉ akamwanda akata, “Ʉve nʉgamanyili ʉgwʉ ndivomba ʉnsɨkɨ ʉgʉ, apeene jʉvʉkʉgamanya kʉmbele.”

Jɨlweli ndikʉvavʉʉla, ʉmbanda niiva muunu mwɨmɨkiwa ʉkʉndʉtɨɨlɨla ʉntwa va mwene, ikange ʉvɨ isuungʼwa niiva muunu mwɨmɨkiwa ʉkʉndʉtɨɨlɨla ʉvɨ ansuungʼile.

Ɨngave mutsimanyingʼiinie itso, pwʉ mwiva vagatalʉsu ɨngave mukonga ɨkɨhwananitso ɨkɨ.

Pwʉ akakʉleka ʉkʉlya, akɨɨma, akasuula ɨlikoti, akavɨɨka kʉ lʉkanzi, akatoola ɨlitaavʉlʉ, akɨpinya mu kɨvino. Akaduudila amagasi mu libeseni. Akatengʉla ʉkʉpugusa isilʉnde sya vakongi va mwene nʉ kʉlagalʉsa nɨ litaavʉlʉ ɨlyʉ ɨɨpinyile.