Gewilde Bybelverse vanaf Juan 10

Deel

Say matakew onloob labat a mantakew, mamatey, tan maneral. Linma ak dia, pian nawalaan iray bilay, bilay a nagnagnap.

“Siak so maung a pastol. Say maung a pastol isaklang toy bilay to para saray karniro.

Ondedengel na bosis ko ray karnirok. Amtak ira tan totombuken da ak.

Iitdan ko ray bilay ya andi-anggaan. Ag iran balut nabalang tan ag iran balut nasamsam ed siak na anggan siopa.

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Siak so maung a pastol. Kabat ko ray karnirok tan kabat da ak

Say Amak ya angiter ed sikara ed siak et lalon makapanyari nen say anggan siopa. Anggapoy makasamsam ed sikara diad limay Amak. Siak tan say Ama, saksakey kami.”

a singa say Ama kabat to ak tan sikatoy kabat ko. Tan isaklang koy bilay ko para saray karniro.

Anggapoy makaekal na bilay ko, balet isaklang kon manlapud siak a dili so bilay ko. Walay pakayarik a mangiter tan mamawiy bilay ko. Ingganggan nen Amak yan gawaen ko.”

Kanyan inkuan lamet nen Jesus, “Ibabagak ed sikayoy katwaan: siak so puirtan dadalanen da ray karniro.

Say mimiupa ya aliwan pastol et ombatik no nanengneng ton nitan lay asod katakelan. Ibatikan to ray karniro lapud mimiupa labat, tan ag to kayaryan iray karniro. Kanyan sibaren tan buyaken na asod katakelan iray karniro.

“Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.