Gewilde Bybelverse vanaf Maqtaeq 10

Deel

“Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

Yawqha-euq daefzir za’ni pov-eu tsawrhaq-aq, daefzir yasmq taef-a. Aerkhawf, ngaq-euq gharduq daefzir smq-euq tsawrhaq-aq, daefzir ya povmawr taef-a.

Mawrdo-anr saefnya-eu khawf, saflar-anr maq saefnya-eu deuq-anr taqguv. Aerkhawf, mawrdo hawr-eu saflar-anr shiqbuir lanma-euq lafkhoer lavcawv nya-eu ghaq-anr guv-awq.

Yawqha-euq lafyaq baf-awr, ngaq-euq maeqnan maq cantae lar-eu tsawrhaq khawf ngaq-anr maqgeux-a.

“Khoermirnae, tsawrhaq-euq maeqshi ‘Ngar-aq, Yeqsur-euq zaqlanr ma’ laer aerdov-eu aqgeu ghaq maqkaq; ngar, mq-euq khoertav jawr-eu ngaqDa-euq maeqshi ‘Teughaq-aq, ngaq-euq zaqlanr ma’ laer, aerdov ma. Tsawrhaq-euq maeqshi, ‘Ngar-aq, Yeqsur-euq zaqlanr maqngeur’ laer aerdov-eu aqgeu ghaq maqkaq; ngar khawf, mq-euq khoertav jawr-eu ngaqDa-euq maeqshi, ‘Teughaq-aq, ngaq-euq zaqlanr maqngeur’ laer aerdov ma.

Nar-awr gawr-eu tsawrhaq-anr lavtaq naeq-awr, shir-euq tsawrhaq-anr bi ghofdaef lar-awq. Coiqdoi nar-eu tsawrhaq-anr bi shawrlar-awr, naef-anr taedov-awq. Nawmaf yawqngaef-aer za-euq lof-aer, aqcawq-anr yawqngaef-aer bifnaeq-awq.

Khoermirnae, taqguv, nawmaf-aq, jartseuv ghawqmya mawr navmaqtser poeq-eu mae.

“Nawmaf, ngar-aq, mirtsaq-euq khoertav bitsaq bi dzoerler-eu laer oe-euq nga laer taqnoeq. Ngar, bitsaq bi dzoerler-eu laer oe-euq maqngeur. Aerkhawf, micaer baf-awr oe-euq ma.