Gewilde Bybelverse vanaf MATTHAI 5

Deel

Mi’n thaumei de in loh a khuhkhum ngei sih uh, a tunna ah a koih zaw uhi; huchi'n inn sunga mi um zousiah a salhvaah hi. Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

Khovel vaah na hi uh; taang tunga khopi um chu a kiphual thei sih hi.

Lungsima siangthoute a hampha uhi; Pathian mu diing ahih jiahun.

Dihtatna lama gilkial a dangtaahte a hampha uhi: tai diing ahih jiahun.

Hizongleh ke'n chu na kawmvah ka soi ahi, Na meelmate uh lungsiat unla, haamsia hung lohte vangpiah unla, ahung mudahte diingin sil hoih bawlsah unla, huleh ahung bawlsete leh ahung suduhdahte diingin haamteisah un.

Hagau a gentheite a hampha uhi: vaan lalgam amahuh diing ahih jiahin.

Lemna siamtute a hampha uhi; Pathian tate chih a um diing ahih jiahun.

Lungngaite a hampha uhi: hamuanna um diing ahih jiahun.

Dihtatna jiaha soih a umte a hampha uhi; vaan lalgam amahuh a diing ahih jiahin.

Zahngai theite a hampha uhi: zahngaihna tang diing ahih jiahun.

Mi’n keimah jiaha ahung housiat va, ahung soih va, zuau a gilou chintenga ahung heeh hun chiangun na hampha uhi. Nuam unla, nasatahin kipaah un; vaan ah na kipaahman diing uh a tam mahmah ngal a; na ma va zawlnei umte zong hitobangin ana sawi veu uhi.

Thunuaigolhte a hampha uhi; Leigou luah diing ahih jiahun.

Lei chi na hi uh; hizongleh chi chu data leh bangin a kisu-al kiitta diai? huchia’n a panna a umta sih diing a, paihdoh a mite totchil diing ahi giapta hi.

Hujiahin vaan a um na Pa uh a hoihbukim mah bangin nanguh zong hoihbukim un.

Hizongleh na soi chu, Ahihleh hi; Ahihlouhleh hilou, hisah mai in; ajiahchu hi val chu gilou apat hung pawt ahi.

Mit luang in mit, ha luang in ha, ana kichi na zata uh. Hizongleh ke'n chu na kawmvah ka soi ahi, Migilou thuh sih un; hizongleh koipouh in na ngeiphe jiatlam a beh leh a lehlam zong doh zaw in.

Huleh na mit jiatlam in ahung sualsah leh kheidoh inla paai mai in; ajiahchu na tahsa pumpi gawtmuna paih ahih sangin na tahsa peng khat manthai chu nang diingin a hoihzaw hi. Huleh na khut jiatlam in ahung sualsah leh saattan inla paai mai in; ajiahchu na tahsa pumpi gawtmuna paih ahih sangin na tahsa peng khat manthai chu nang diingin a hoihzaw hi.