Gewilde Bybelverse vanaf BINZEN 1

Deel

Tson-o Sunggigü le zo, “Ngun temi thyüshü tile nu; Au no ngun hontse lo ngun rhenrhü hontse ti. Au no tsehü, tegü lo nyukhu aphu, senru lo tehenthyü keshe keda so gon ti.” Tsü hontse Sunggigü le a-hontse kethyü temi nyhun shü. A-le peche nme lo tenu nme nyhun shü

lo Sunggigü le jochü pe au tsüo, “Hai nyenyu kechon no binlo, tson-o hai tsipwen no kazü kesü thyüo tsü senlo lo. Ale hai pe tsehü, tegü, lo kazü so kehü kerhün ronzin kebin aphu kentsen gü thyü shü laso.

Binzen ka Sunggigü le tsangdan lo kezü gü thyüshü

kazü gü le a-zoja thame ndi lo nrun lo züda gü le tha aphu jehen pe züntin tse; lo Sunggigü kapu güle zü so nnu hü.

Tsüka Sunggigü le, “Ben lolo,” tsonshü, tsontsin ben chwiryü la.

Sunggigü le a-le thyü keshü shwi shü a-kenyü sala. Khejegwen le gülao lonyü le chwiryü”, tsüle jon tsero gü.

Sunggigü le keben gü tsü shwi a-kenyü la; tson-o a-le kezün gü nyu keben gü khikho kecha thyü shü.

Ale hai no tyü nrün genyu shye lo terasha kechacha aphu ndo shü laso.

Lo Sunggigü le keben gü pe “Nhenyu,” lo kezün gü pe “Kheje” tse kolo. Khejegwen le gü la-o lonyü le ryülo- tsüle jon keri gü.

Lo Sunggigü le, “Zü jonyu cheng no bin lo, lo tsüno zü kenjün kho kenyhun thyü pe kechacha thyü lolo,” tsonkeshü ka tsühon tselo.

Ai tehen thyü, tegü, lo npfü kehü nyukhu aphu genyu jonyü kenjvü pe no a-chvü thyü lotse nda shü laso.

Lo Sunggigü le, “Tsangge keben no chwiryü kezün gü nyu keben khikho kecha thyülo; lo anyugun no zansüdan, gwenkho kechacha dan, keben jon dan lo chen dan thyü lolo, tsonshü

Tson-o Sunggigü le, “Kazü günyu shye nsha shü kehü lo a sha nsha shü kehü tehen lihi-e no yhun shülo,” tsonzo keshü ka tsü hontselo.

Tson-o Sunggigü le cheng thyülo-o zü tsüso kebin dan lo a-hensin kebin dan khikho kecha thyülo.

Tson-o kazü gü le tehen kechacha aphu nyhunshü, lo Sunggigü le tsü shwi a-kenyü la.

Tson-o Sunggigü le keben keda kenyhun thyüshü, gonkvu kethyü gü no nhenyu, lo keben kerho gü no khejenyu keda thyü lo tseshü; a-le shenyü dan ko thyüshü

Tson-o Sunggigü le, “Tsang hensin zü dan no tsun-o bin nme ka kequen lo lao kazü kesin no chwiryü lolo,” tsonshü ntsin tsühontse lo. Sunggigü le n yon kesin gü pe kazü tse kolo, lo zü tsun kequen kelo gü pe züda tse kolo. Lo Sunggigü le tsü shwi a-kenyü la.

Tson-o a-le jochü pe anyugun aphu tsüo zünyu yhun kehü nyukhu aphu no chvü kenye pe züda gü kesü thyülo, lo a-le tegü dan no chonkenye lolo tse zochü.

Lo Sunggigü le, “Kazü gü no nyukhu kechacha kethyü aphu: senru lo tehen thyü, keda lo keshe aphu no chwiryü lotse shü”, tsontsin tsü le tsonlo.

Lo Sunggigü le, “Keyhun ronzin kebin kechacha kethyü kechon no zü nyu kesü thyülo; lo kazü so tsangne ki tegü no kesü thyülo.”

Tson-o Sunggigü le tsü aphu thyü shü. Lo a-le tsü shwi a-kenyü la.