Gewilde Bybelverse vanaf Matiu 5

Deel

Sɔɔ mun kan joo fitir ŋaan jii ŋmaŋ ki chibini; see ki u jiir ki tɔɔnn bonsiar nba fɔk paak, ki lin tur ŋaak niib kura yentu. Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

“Yimme tee tingbouŋ na yentu; doo nba ki bi maa ki senn kunkonn paak, li kan fit bɔri.

“Binba para ni yeen, parpeenn tee bi yare, kimaan ŋamme sa la Yennu.

“Binba ninbina mɔn ki bi para ni lakib nan Yennu toona, parpeenn tee bi yare, kimaan Yennu sa gboomm bi para nba lakib linba maŋ paak.

ŋaan min ŋanin beerie la, nan yii loon man i datai mun, kii yeen wunba sukii-i na a ‘Yennu mɔsonŋann-ii be a paak;’ kii tuun linba ŋan kii teen binba nami; kii mei Yennu kii teen binba dinti fara na.

“Binba mi bi mɔŋ nan bi namii, parpeenn tee bi yare, kimaan Yennu naan tee bi yare.

“Binba tee sandantinna nan kunkɔnpat teeb, parpeenn tee bi yare, kimaan ŋamme ki Yennu sii yib u waas.

“Binba mɔ ki fabin, parpeenn tee bi yare, kimaan Yennu sa maan bi parawa.

“Binba jiantir Yennu ki bi mukisib na, parpeenn tee bi yare, kimaan Yennu naan tee bi yare.

“Binba mɔk ninbatinu nan bi leeb, parpeenn tee bi yare, kimaan ŋamme ki Yennu mun bia sa timm ninbaauk.

“Niib-i sukii-i, ki mukisi, ki fa faakboorii boorii kur ki biiri, kimaan ya tee n poorpoweiteeb na paak, parpeenn tee i yare. Bi-i taŋŋi teei nna, yii mɔk parpeenn man bonchiann, kimaan i nyɔɔt tan sii yab Yendɔuŋ ni; nnee ki bi poŋ din mukis Yennu sɔkiniinba nba din be yaayoo ni na.

“Binba sikin bi mɔŋ, parpeenn tee bi yare, kimaan ŋamme tan sii yen tingbouŋ na.

“I tee kaman nan yaarin nee tingbouŋ na ni. Yaarim-i taŋŋi biir ki ji ki mani, nlee ki li ji sii mani? Li wann nan li ji kaa nyɔɔti; see ki bi kpaar ki mɔɔn tiŋ ni, ki niib somm li paak.

Li paak, yii be man fanu kaman nan i Baa Yennu nba be sanpaapo na nba be fanu biaŋinba na.

ŋaan ŋaant man ki i jiinu-ii tee, ‘Nn,’ amii ‘Aaii,’ kimaan li-i tee ki a por siar ki pukin linba na paak, li ji nyii Biitdaanɔ maŋe.

“I poŋ bia gbia ki bi din yeen a ‘Sɔɔ-i kpakir a ninbinn, fan mun kpakir u yar ki jiin pann; sɔɔ-i faa-a ki fokit a nyann, fan mun faau ki fokit u yar ki jiin pann;’ ŋaan min ŋanin beerie la, nan i daa jiint leeb pana; sɔɔ-i peb a tanpak a nuudiitu po kpianu, fan ŋmant a gaŋ po mun ki wun peb

Li-i tee ki a diitu po ninbinnie te ki a yaa a tun toonbiit, fan kpakirɔ ki lu, kimaan li-i tee ki a kɔŋ a ninbinn yennkɔɔ, li chee nan ki Yennu-n tan kɔɔn a gbanant kur muu nba kan mi kpeen na ni. Li-i tee ki a nuudiitue te ki a yaa a tun toonbiit, fan potɔ ki lu, kimaan li-i tee ki a kɔŋ a nuu yennkɔɔ, li chee nan ki a gbanant kur-n tan kɔɔ muu maŋ ni.