Gewilde Bybelverse vanaf LUKE 14

Deel

“Hutkhatne Keihilla chanthungrou dawanungri, ane aiyei charra-teinao rapya, heitoubi ai'msha aitamya malungshiya duine Keiya malungshima'nungri, a heiri Keiyei ruishikme touri hoimakrou.

Huhune aitamei ruiya urmakne Keihil chanthunganungri, a heiri Keiyei ruishik khoi manemakrou.

Huhune tang thimi hoiniya'nungri ukning marnim thimi hoirouda, heirou huhune ukning marnim thimi hoiyanungri aya tang thimi hoiyerrou.”

Heinakrimne, nane naiyei klei namyerwaya horkhoumanungri, na hukhatkhi Keiyei ruishik hoichangmakrou,” toubi Jesu'ne yenyunbi luilhakkur.

Nai hangra hukhatne turngdou khat sabaangnung marshiklanungri, heirou lamkrini ane ombine sabaangrou kyou heiwaei manri kounakbil hoirou, heirou aihutrei klei heiri heiwaya sabaangbi luilhaknanung roleiyo nimanung romakleiyo toubi tribi thirirou da. Hei nimakne ane lamkrini cheemmunya thulbangribi, heihillou turngdou heiri sabaangeinung luilhakur manemakne leiyuranungri, heiwaya thibi klei thimi rapne aiyei toubi klei lhou heirou yane laonarou. ‘Napawa heine cheem sabaangurbi heiwaya luilhakur manemakurame’ toubi yane yunnarou.

Ngam heine nangne cha'kmai marshikbine, kanring thimi rapya, hut-deek ho-deek thimi rapya heirou mitdeo thimi rapya unglhakpilanungri; heirouri nangri phor pharou; heiyei ngamri yane neinungei koukhatkhi mallenglhak'nungri makkhi kya. Heiya tharmu chim thimi rapne katringthut tlainirouri Dunpune neinungei mallenglhakpirou.”

“Mittiri lhangai, heiya mitti heine aiyei mnikya makanungri, heirou mitti heiya hanui mnikyer manerouko? Heine mitti heiri thleira khingkur nimanung thulkhumra khremalamkur nimanungri koukhatkhi karshukmakrou. Louninglhaknanung khna klei thimi rapne ninglhakpilaksu.”