Gewilde Bybelverse vanaf KEYUM KERO 3

Deel

Delo mimede esing ayédem dopo kalíkpe kaato. Delokke amiglok kaabola esing ayéde kénmoyé emla mííla, bí delokke ayédem pílla doto. Bí bíkke milodemte ayoko pílbila bíte doto.

RUUTUM Shédíke monkír-tangkír pínam aralo, tabíde ségu kayayalumna konpe ito. Bí mimedem ingkíto, “Torgong arasok ingkona esing lokke ayémte nonyim domarupeka emla Shédíbí potorunía?”

“Ngo mime sokkelang nok pénsamlo, delokke nok otíng-oyin lolang, mime sokke otíng-oyinlo mirupe imoyé. Bí nom dumponglok itjépyé, delokke no bím ledulok payé.”

Mimedem bí sikepe luto, “Ngo nokke koo olenyé tabungem, yagorupe okii kimoyé, kilamin no kooem olenyén, idola nok míínam tabude, nok milo legape iyé delokke, bí nok teyolo ruutumbomyé.”

“Nokke mikmo íílnamlok, no amolo aalat sukumang tetengem, donamem doyé. Kapeila no demule, nom demullok laalento iname no demullo gílatsuyéku.”

Delo milodem bí sikepe luto, “No nokke mime agom-aangem tatgaape, delokke ngokke nom domapeka emla, lutumnam esing ayém no dogaape; amosim nok legape pélíkdung. Nokke yénam tabulo no agér itíla doyé.”

Delo Shédíbí ííto, “Nonyi mílídung emla sékoda nonyim potone? Nonyi ngok domapeka emnam esing ayém dotunía?”

Bí tanidem Eden baarike torgong delokke sanggodanlo monlen rodem, turmona esingdem kaabomdope Sérubim emlang kiddung-kittoksuna emepe dorna yoksadem melíkto.

Delo Adambí, bíkke méngem Ib emla amínem mínlíkto, kapeila bí turna tabungke anepe ine.