Gewilde Bybelverse vanaf Y-Yôhan 6

Deel

Yêsu lač kơ digơ̆, “Kâo jing kpŭng klei hdĭp; hlei pô hriê kơ Kâo amâo srăng tuôm êpa, leh anăn hlei pô đăo kơ Kâo amâo srăng tuôm mhao ôh.

Mngăt Myang yơh jing Pô brei klei hdĭp, kđeh amâo yuôm ôh; klei Kâo blŭ leh kơ diih jing Mngăt Myang leh anăn klei hdĭp.

Đăm mă bruă ôh kơ mnơ̆ng ƀơ̆ng huă thâo rai, ƀiădah kơ mnơ̆ng ƀơ̆ng huă ăt dôk tơl truh kơ klei hdĭp hlŏng lar. Mnơ̆ng ƀơ̆ng huă anăn Anak Mnuih srăng brei kơ diih; kyuadah Ñu yơh Aê Diê Ama kđăm bi sĭt Gơ̆ tŭ Ñu leh.”

Kyuadah snei klei Ama Kâo čiăng: brei grăp čô hlei pô ƀuh Anak leh anăn đăo kơ Ñu srăng mâo klei hdĭp hlŏng lar; leh anăn Kâo srăng bi kbiă lŏ hdĭp digơ̆ ti hruê knhal tuč êdei.”

Yêsu lŏ wĭt lač kơ digơ̆, “Snei bruă Aê Diê: brei diih đăo hĕ kơ Pô Ñu tiŏ hriê leh.”

Jih jang phung Ama brei kơ Kâo srăng hriê kơ Kâo; leh anăn hlei pô hriê kơ Kâo, Kâo amâo srăng suôt ôh.

Y-Simôn Pêtrôs lŏ wĭt lač kơ Ñu, “Ơ Khua Yang, kơ hlei pô mkăn hmei dưi nao lĕ? Ih yơh mâo klei blŭ kơ klei hdĭp hlŏng lar

Kâo jing kpŭng klei hdĭp trŭn mơ̆ng adiê. Tơdah sa čô ƀơ̆ng kpŭng anei, ñu srăng dôk hdĭp hlŏng lar; leh anăn kpŭng Kâo srăng brei pioh kơ klei hdĭp phung lăn ala jing kđeh Kâo pô.”

Amâo mâo pô dưi hriê kơ Kâo ôh, knŏng tơdah Ama, Pô tiŏ hriê Kâo, êwak gơ̆; leh anăn Kâo srăng bi kbiă lŏ hdĭp gơ̆ ti hruê knhal tuč êdei.

Kyuadah kpŭng Aê Diê jing kpŭng trŭn mơ̆ng adiê leh anăn brei klei hdĭp kơ lăn ala.”

Kâo jing kpŭng klei hdĭp.

Leh anăn Yêsu mă kpŭng anăn, leh anăn tơdah leh Ñu bi mni kơ Aê Diê, Ñu bi mbha kơ phung dôk gŭ tinăn. Ñu bi mbha wăt kan mơh dŭm digơ̆ čiăng. Leh digơ̆ ƀơ̆ng tơl trei, Yêsu lač kơ phung ƀĭng kna Ñu, “Duñ bĕ djah kpŭng kan êbeh, đăm bi luč hơăi mang ôh.”

Tơdah digơ̆ wah čhŏng leh hlăm brô dua pluh êma amâodah tlâo pluh stat, digơ̆ ƀuh Yêsu êbat ti dlông êlah êa leh anăn hriê giăm čhŏng. Digơ̆ huĭ. Ƀiădah Yêsu lač kơ digơ̆, “Kâo gơ̆ yơh; đăm huĭ ôh.”