Gewilde Bybelverse vanaf Matayo 6

Deel

Tondo londazi tanga bukota bua Kalaga, nu kuisanana kuage; nu muatalikilue binsania.

Umpanga tamulemanine bia lubi, kubuno busi bua lubi buidemanine bubuenyene. Bubi buabo buasuage kubo.

Kubuno nkumubula bune, Tamulemanine mu kalamo keinyu, buno tualie kikizi? aba tuanue kikizi? aba ku mubili weinyu, buno tuavuale kikizi? Ndi kalamo takatinga idia, nu ndi mubili tawatinga nsulu?

Tondo, ndi ukusega ku Kalaga, nti wingila mu numba zobe nu nti wasega ku lumbisombiso, nu nti wigala luibi, nu nti wasega Soinyue uli mu lumbisombiso, nu Soinyue ukumona mu lumbisombiso; akukase lukalilo lusoga.

Segazi ku Kalaga anga bubuno; Tateisue uli muigulu izina liobe liganunue. Bukota buobe buvue, kusombola kuobe kukitue ku kisi anga bukukukitua muigulu.

Tukase lelo idia lietu.

Tusigilile misako za buagi bueitu anga butukusigililaga bekutua­gilaga

aba ntutuenzie ku malindiko, tondo tonie ku wozo mubi, kubuno uli na bukota, nu magala, nu lutanuno, aba ku nkiko zitana­kuzinda.

Kubuno ndi mukusigilila bantu misako za buagi buabo, nti Soinyue nuwe uli muigulu amusigilile misako za buagi bueinyu.

Lolazi ku tuzoni tua mu mpelela, tatukuyika aba tatukutubula mbuto, aba tatukukundamania mu bigenge, tondo Soinyue wa muigulu ekutulisagia. Inyue tamuatinga tuzoni ku busoga?

Tamuibikile bikagi ku kisi, kuli kagembe nu nkisa kubibigia, gena gakuita beibi buno beibe; tondo ibikilazi bikagi bienyu muigulu, kuteli kagembe nu nkisa kubibigia, nu lingo gatanavuama kuita beibi buno beibe; kubuno gago geli kikagi kiobe, ugago gakaba mutima wobe.

Takuli muntu unavuama kukambila bakota babili: embe nti asombe umozi, nu nti atunde ungo; embe anze umozi, nu abenge ungo. Tamunavuama kukambila Kalaga nu bikulo.

Tondo ndi Kalaga ekuvualikia bisugu bia masoa, biligo lelo, nu lubi bikutebua mu ngulumina za keiya; ndi ntakamuvualikia inyue beli basosu mu bukatizio bueinyu.

Tondo kungua ukukita bantu mponga, kuboko kuobe kua­seikazi takumenye bukukita kuboko kuobe kuaseidume; bubo ndi wakita bantu mponga zibe ku lumbisombiso, nu Soinyue uku­mona mu lumbisombiso nti akukase lukalilo lusoga.

Nkumutonda buno kuisanana kueinyu takube ku bantu buno, mumenyue nabo; ndi muakita bubo tamuli na lukalilo lusoga ku Soinyue uli muigulu.

Lingo ndi tamulia, tamube anga bengelezi bekukandaga malanga; buno bantu babamenye buno batakulia. Lebelebe, nku­mubula bune, Bakasilue lukalilo luabo. Tondo uwe ndi ntu­kulia, ibongie muambo kuitoe, nu nti woga ku meiso; tondo ndi ntukulia, ntumenyue na bantu; tondo Soinyue ukumona mu lumbisombiso akukase lukalilo lusoga.