Gewilde Bybelverse vanaf Matie 10

Deel

“Nyɛ́n die nukùɛ! Mɛ wá nyɛ̀n ɔkɔ̀hɔ̀n, kɩ nyɛ́n dù nyɛ́n hán kɔ̀kɔ̀sɛ̀ hɔ̀n léyi dú ovú lɛ̀tù hɔ̀n wanzi nɔn hɔ́. Nyɛ́n wá ny'edomɛ̀n esùva kɛ̀ hán ɛnlɛ̀brì hɔ̀n hɔ́, nyɛ́n dù nyɛ́n hán brɛndre hɔ̀n hɔ́, ô nyɛ́n bɩ́ di ankà mɛ̀n ebɩ́.

Ɔwrɔn léyi ke ji kɛ̀ ẅɛn n'ɛwúvà kɛ̀ hɛ́n nɔn, kɛ lɛ zrɛ́n nɛ̀n; tɛ́n ɔwrɔn léyi kɛ lɛ zrɛ́n n'ɛwúvà m'ɛkruhú nɔn, kɛ lɛ cɔ́ n'ɛwúvà lɔ.”

Nyɛ́n bɩ́ sú anwrɔn hɔ̀n léyi ke wri edùwrú, tɛ́n ke sɩ́ wri ɛnhɛ́n rɔ́a nɔn; tɛ́n nyɛ́n sú Ɔwɔ léyi ke le wri edùwrú mán ɛnhɛ́n tɛ̀, ɛnhyà léyi ke sɩ̀ zɛ́n hán nɔn mɛ̀n.

Ɔwrɔn léyi ke sɩ̀ bɩ́ n'ɛgbàn-hán-tɛ̀ lɔ kɛ̀ kɛ́n mɛ̀n ɛsɛ̀n nɔn, nɛ̀n sɩ̀ dù m'esɛ́-wrɔn.

“Ke dú kɛ ɔwrɔn totɔtɔ̀n kɛ mrɛ́n ɔmùan anwrɔn lɔ fɛn zìwú le nɛ̀n dú mɛ tɛn, mɛ̀n mán mɛ lɛ mrɛ́n ɔmùan Dade léyi dú anhobɩ́ nɔn zìwú le, nɛ̀n dú mɛ tɛn; tɛ́n, ke dú kɛ ɔwrɔn totɔtɔ̀n kɛ dɔ́ anwrɔn lɔ fɛn zìwú le, nɛ̀n sɩ̀ nyri mɛ̀n, mɛ̀n mán mɛ lɛ dɔ́ Dade léyi dú anhobɩ́ nɔn zìwú le, mɛ̀n sɩ̀ nyri nɛ̀n.”

Nyɛ́n kɔrɛ ɛnlɔẅiɛ-bɔ̀, nyɛ́n hán owú-bɔ̀ kɛ vá ɔkɔrɛ-bɔ̀ mɛ̀n, nyɛ́n hán kokove-bɔ̀ kè fì, nyɛ́n wrɔ́ anhɛ́n gbàngbàn hɔ̀n. Yɛ tán nyɛ̀n ankɔra, nyɛ̀n mán nyɛ́n tán ankɔra.

Ɛnjansù ke bɩ́ ẅɛn nyɛ̀n: nyɛ́n ẅɛn vɔ̀nshɛ́ vrán annrɛn ẅì hɔ̀n bobrebe!”

“Nyɛ́n bɩ́ tro le mɛ́n và, ô mɛ̀n sɩ́ anwɔwɔ ɛnhibù wú, mɛ̀n sɩ̀ sɩ̀ anwɔwɔ, tɛ́n anhà-kɔ̀n.