Gewilde Bybelverse vanaf मर्कूस 7

Deel

छाय्‌धाःसा मनूयागु दुनुगलंनिसें थथे मभिंगु बिचाः पिहां वइ – व्‍यभिचार यायेगु, खुइगु, स्‍यायेगु, लोभी जुइगु, मभिंगु ज्‍या यायेगु, थगय् यायेगु, लाः लाः थें सनाः जुइगु, नुगः मुइकेगु, मेपिन्‍त मभिंकाः खँ ल्‍हायेगु, घमण्‍डी जुइगु, मूर्ख ज्‍या यायेगु। थ्‍व फुक्‍क मभिंगु ज्‍या मनूयागु दुनेंनिसें पिहां वइ, अले वयात अशुद्ध याइ।”

नयेत्‍वनेगु छुकिं नं मनूया म्‍हय् दुने वनाः वयात अशुद्ध याइ मखु, बरु मनूयागु नुगलं पिहां वइगुलिं हे मनूयात अशुद्ध याइ।

वय्‌कलं धयादिल – “छिपिं निपाः ख्‍वाःपाः दुपिं खः धकाः यशैया अगमवक्तां च्‍वयातःगु धात्‍थें हे खः खनी – “‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ। उकिं थुमिसं जिगु सेवा याःसां छप्‍तिं ज्‍यालगय् मजू।’

“छिमिसं परमेश्‍वरयागु आज्ञायात मानय् मयासें मनूतय्‌गु थितिकुतियात मानय् यानाच्‍वन।”