Gewilde Bybelverse vanaf मर्कूस 14

Deel

“अब्‍बा, बाः, छिं याये मफुगु छुं नं मदु। थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

मद्यंसे प्रार्थना याना च्‍वँ, मखुसा छिपिं जाँचय् लाइ। आत्‍मा ला तयार दु, म्‍ह धाःसा बमलाः।”

जिं छिमित धात्‍थें धाये – गन गन भिंगु खँ न्‍यंकी, अन अन थ्‍व मिसां याःगु थ्‍व खँ नं लुमंकेत न्‍ह्यथनी।”

वय्‌कलं इमित धयादिल – “नुगः हीसे च्‍वनाः जिगु छाति हे तज्‍याइ थें च्‍वनाच्‍वन। छिपिं मद्यंसे थन हे च्‍वनाच्‍वँ।”

नयाच्‍वंबलय् येशूं मरि कयाः परमेश्‍वरयात सुभाय् बियाः कुचा थलादिल। अले चेलातय्‌त इनाः थथे धयादिल – “थ्‍व मरि कयाः न, थ्‍व जिगु म्‍ह खः।”

अथे हे वय्‌कलं ख्‍वला नं कयाः परमेश्‍वरयात सुभाय् बियाः इमित बियादिल, अले इपिं फुक्‍कसिनं थुकिं हे त्‍वन। अले वय्‌कलं इमित धयादिल – “थ्‍व जिगु न्‍हूगु बाचायागु हि खः। थ्‍व हे हिं यक्‍वसिगु पाप क्षमा जुइ।

येशूं इमित धयादिल – “छिपिं फुक्‍कं जितः त्‍वःताः बिस्‍युं वनी। धर्मशास्‍त्रय् नं थथे च्‍वयातःगु दु – “‘जिगु ज्‍या याइम्‍ह फैजवाःयात हमला या, वयात स्‍या। अले फैत उखेलाः थुखेलाः जुइ।’

दँ, नु! स्‍व, जितः ज्‍वंकीम्‍ह मनू थ्‍यंकः वये धुंकल।”

अले वय्‌कलं धयादिल – “जिं छन्‍त धात्‍थें धाये – थौं चान्‍हय् हे छं जितः खा हाले न्‍ह्यः स्‍वकः तक म्‍हमस्‍यू धकाः धाइ।”