Gewilde Bybelverse vanaf मत्ती 28

Deel

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु। अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

व स्‍वर्गदूतं स्‍वः वःपिं मिसातय्‌त थथे धाल – “छिपिं ग्‍याये मते। छिपिं क्रूसय् यख्‍खायाः स्‍याःम्‍ह येशूयात स्‍वः वःपिं धकाः जिं स्‍यू। येशू थन मदी। वय्‌कलं धयादी थें वय्‌कः सीम्‍हं म्‍वाना वये धुंकल। प्रभुयात तयातःगु थाय् स्‍वः वा।

“ग्‍याये मते, छिमिसं वनाः जिमि किजापिन्‍त ‘गालीलय् हुँ’ धकाः धयाब्‍यु। अले अन हे इमिसं जितः खनी” धकाः वय्‌कलं इमित धयादिल।

तःधंपिं पुजाहारीतय्‌सं थकालिपिं लिसे सल्‍लाह साहुति यानाः व सिपाइँतय्‌त धिबा नकाः थथे धकाः खँ स्‍यन – “छिमिसं ‘जिपिं द्यनाच्‍वनाबलय् येशूया चेलातय्‌सं वयाः वयागु सीम्‍ह खुयायंकल’ धकाः धा। छुं जुयाः पिलातसं थ्‍व खँ सिल धाःसां जिमिसं वयात ह्यय्‌के। छिमित छुं नं जुइ मखु, छिपिं ग्‍याये मते।” पिवाः च्‍वंपिं सिपाइँतय्‌सं धिबा कयाः इमिसं स्‍यं थें यात। आः तकं यहूदीतय्‌सं थ्‍व हे खँ धयावयाच्‍वंगु दु।