Gewilde Bybelverse vanaf मत्ती 12

Deel

“जिं छिमित धाये – छिमिसं ल्‍हाना जूगु म्‍वाःमदुगु छता छता खँया ल्‍याःचाः परमेश्‍वरं न्‍याय यानादीबलय् कयादी। छिमिसं नवाना जूगु खं हे छिपिं न्‍यायया दिनय् दोषी वा निर्दोष ठहरय् जुइ।”

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

भिंम्‍ह मनूया मतिइ भिंगु हे दइगुलिं वं भिंगु भिंगु हे याइ। अथे हे मभिंम्‍ह मनूया मतिइ मभिंगु हे दइगुलिं वं मभिंगु मभिंगु जक याइ।”

“मनूतय्‌सं न्‍ह्यागु हे मखुगु खँ ल्‍हाःसां न्‍ह्यागु हे पाप याःसां इमित क्षमा बी, पवित्र आत्‍मायात मभिंकाः खँ ल्‍हाइपिन्‍त धाःसा क्षमा बी मखु।

“भिंगु सिमाय् जक भिंगु फल सइ। मभिंगु सिमाय् मभिंगु हे फल सइ। थुकथं सिमाय् सःगु फल स्‍वयाः सिमा भिं मभिं सीके फइ।